Ekchardus Canonicus Ratisponensis Succollector censuum et mediorum fructuum camere apostolice per dioc. patav. a Reverendo in Christo patre et dno. dno. Ortolfo Decano Salczeburgensi eiusdem Camere per provinciam Salczeburgensem apostolice sedis collectoris auctoritate apostolica specialiter deputatus Recognoscimus et ad noticiam cuiuslibet intuentis deducimus per presentes, Nos recepisse tres florenos auri de Vngaria iusti ponderis per manus venerabilis viri domini Stephani dicti Thvivzel presb. patav. dioc. nomine et pro Reverendo in Christo patre dno. dno. preposito Monasterii beate marie in Newnburga Ord. s. Aug. Can. Reg. patav. dioc. de Censu debito Camere apostolice, In quo censu ipse dominus prepositus et eius monasterium exstiterant Camere apostolice obligati. De quibus quidem tribus florenis auri sic solutis et receptis ipsum dominum prepositum ac eius Monasterium quittamus, liberamus et absolvimus per presentes, Prefatumque dnum. prepositum a sentenciis excommunicacionis, suspensionis et interdicti, si quas ob defectum retardacionis solucionis predicte neglexerint, absolvimus, nec non super irregularitate si quam incurrit celebrando divina, vel inmiscendo se interim in sacramentis divinis dispensamus. In quorum testimonium presentes litteras quittacionis fieri fecimus sub nostri appensione sigilli. Datum in Weiten die secunda mensis Novembris Anno dni. M°. CCC°. Octuag. septimo.

Source Fulltext: ZEIBIG, Klosterneuburg (=FRA II/28, Wien 1868) S. 48