In nomine sancte et indiuidue trinitatis. Notum sit omnibus tam presentibus quam futuris nobilem comitem Albertum de Rebgaev pro honore dei et eterne uite retribucione et pro animarum remedio parentum suorum tum eciam caritatiuis peticionibus Vdalrici II. abbatis Chremesemonasterii et largicione sex talentorum predium sex hvbarum inter duo flumina superiori et inferiori Dizenpach positum prefate abbacie libera manu tradidisse et de legacione eiusdem comitis et legitimorum testium astipulacione confirmasse, Hiis peractis sociata sibi coniuge Gerdrude ipsaque studiose imperante duas hůbas in Viehtwanch predicto loco tradidit ea quippe racione, ut in eodem loco ecclesia construeretur ac diuino officio manciparetur; Quod ut confirmatum est abbas idem ecclesiam ibi construxit ²⁾ et diuinum officium constituente beate memorie Reginberto Patauiensi episcopo a fratribus suis instituit. Domino autem abbate Vdalrico II. de hac luce migrante successor eius Adalbertus I. abbas non minus omni ueneracione dignus, in quo predecessor eius Christo famulari decreuerat, beniuolo studio sumptibus et impensis perficere curauit. Sed comite Adalberto de medio facto non nullis annorum curriculis elapsis filii eius scilicet Adalbertus et Gerhardus locum antedictum inuaserunt et immemores beneficiorum parentum suorum rebus omnibus ablatis denudauerunt sibique omni iure postposito subegerunt; Vnde prefatus abbas Albertus commotus egre indoluit omnique annisu, quo potuit, locum ab inuasoribus eripuit hoc scilicet modo: Filiis predicti comitis et abbate in festos (sic) Cholomanni Medelicensi loco conuenientibus beneficiis patris eorum coram multitudine enumeratis insuper muneribus quinque talentorum datis idem predium delegare, quod pater eorum delegauerat, exorauit et eonsecutus, quod postulauit, in manum patruelis ipsorum comitis uidelicet Ernstonis de Hohenburch delegauerunt et ab omni infestacione data fide quieuerunt. Hec tradicio legittime peracta ut inconuulsa permaneat sigilli presentis impressione et hiis legittimis testibus confirmatam tradimus. Adalbertus de Perge, Chunradus de Ascha et frater eius Wernhart, Sighart de Fleze, Meginhart de Ypphe, Marquart de Scho^enenpvhel et duo filii eius Marquart et Fridericus, Ru^edpreht de Nivndorf, Chvnrat de Chloberch, Cholo de Chvliub, Ruger, Adalber, Pabo, Adalher, Mangens, Wigant de Scewin, Timo de Wazemannesdorf, Gerboto de Medeliche. Dedicata est eadem ecclesia in Viehtwanch a venerabili Patauiensis ecclesie presule Chvnrado anno ordinacionis sue VIIII.¹⁾ VI Kal. Januarii Inhonore domini nostri Jesu Christi et gloriose genetricis eius Sancte Marie Virginis et Johannis apostoli et ewangeliste patroni eiusdem loci et S. Egidii confessoris et omnium patriarcharum, prophetarum, apostolorum, martirum, confessorum, uirginum et omnium sanctorum et hiis reliquiis specialiter attitulata: De ueste sancte Marie Virginis, Johannis apostoli, Egidii patronorum; Jacobi apostoli, Stephani prothomartiris, S. Agapiti martiris, Laurentii, Ypoliti, Pantaleymonis, Martini episcopi, Benedicti abbatis, Afre martiris, Barbare martiris. [Chrismon] Collatum est eciam eidem ecclesie a predicto episcopo domino Chunrado baptismus et sepultura et cetera sacramenta plenarie tum pro parrochie ²⁾ remocione tum pro populi siluani acclamacione dato termino a flumine Daspach ex oliquo et a fluuio Alben usquequo peruenias ad summitatem Alpium ex latitudine et longitudine. Facta sunt hec anno ab incarnacione domini M. C. L.viiii. indictione VI. ³⁾ horum testimonio: Adalbertus prepositus, Rvdpertus decanus, Wolfwinus capellanus, Gerbot archypresbiter, Selpkers, Reginbot, Lambertus plebani. Pillunch aduocatus, Chvnrad de Pvhele, Walther de Glanek, Vdalricus de Pornhaim, Arnolt de Werd, Chvnradus, Gotfridus, Ebergerus, Raeitker, Eppo, Walther, Vrowin, Gvnther et frater eius Rapoto, Hadmar, Herman. Siquis autem hanc tradicionem et consecracionem infringere presumpserit, cum iuda traditore eternas penas in perpetuum luat. Amen.

Source Fulltext: OÖUB 2 (Wien 1856) S. 299-300