Ego Hartnidus de Ort presentis scripti testimonio profiteor et protestor, me omni iuri siue exactioni, quam in possessionibus ecclesie in Chremsmvnster ego et antecessores mei quomodolibet dinoscimus habuisse, ut id mihi precipue et eisdem proficiat in remissionem peccatorum et pro centum XV talentis Wiennensis monete exsolutis per abbatem ecclesie memorate, renunciasse publice et cessisse hoc adiecto, ut nec de hiis, qui Haistolt vvlgariter nuncupantur, quicquam per meipsum aut per meum iudicem seu successorum meorum similiter ordinetur. Hii uero, qui in possessionibus ecclesie sepedicte deprehensi fuerint rei mortis, mihi vel per me iudici instituto debent, prout cingulo sunt accincti, exclusis ceteris omnibus assignari. Vt autem huiusmodi contractus perpetua gaudeat firmitate, presentem paginam in euidens testimonium iussi sigilli mei munimine roborari testibus, qui presentes fuerant, subnotatis, qui sunt comes Vlricus de Pfanneberch, Livtoldus et Vlricus de Wildonia, Otto comes de Ortenburch, comes Willehelmus de Heimenburch, Otto de Slevntz, Wernherus et Heinricus de Schowenberch, Albero de Pollenhaim, Vlricus de Chirchlan, Ditmarus de Steyr, Hertwicus de Abtay, Chvnradus et Ernestus de Asperch, Hertwicus de Pevtenpach, Heinricus Dens, Merboto de O^ede et alii quam plures. C. Actum apud Wels anno domini M. CC. XLI.. XII. kal. marcii.

Source Fulltext: OÖUB 3 (Wien 1862) S. 98, Nr. 93