Innocentius episcopus seruus seruorum dei Dilectis filijs Abbati Chremesmonasterij eiusque fratribus tam presentibus quam futuris regularem uitam professis In perpetuum. Quotiens a nobis petitur, quod religioni et honestati conuenire dinoscitur, animo nos decet libenti concedere ac petentium desiderijs congruum suffragium impertiri. Quapropter dilecti in domino filij uestris iustis postulationibus clementer annuimus et Monasterium Chremesmonasterij Patauiensis diocesis, in quo diuino estis obsequio mancipati, sub beati Petri et nostra protectione suscipimus et presentis scripti priuilegio communimus, In primis siquidem statuentes, ut ordo monasticus, qui secundum deum (et) beati Benedicti regulam in eodem Monasterio institutus esse dinoscitur, perpetuis ibidem temporibus inuiolabiliter obseruetur. Preterea quascumque possessiones, quecumque bona idem Monasterium impresentiarum iuste ac canonice possidet aut in futurum concessione Pontificum, largitione Regum uel Principium, oblatione fidelium seu aliis iustis modis prestante domino poterit adipisci, firma uobis uestrisque successoribus et illibata permaneant. In quibus hec proprijs duximus exprimenda uocabulis: Locum ipsum, in quo prefatum Monasterium situm est, cum omnibus pertinentijs suis; parrochialem ecclesiam sancti Stephani in loco, qui dicitur Chirichperch, et sancti Petri in superiori et sancti Bartholomei (in) inferiori Ror. Capellas ab eadem ecclesia dependentes cum decimis et omnibus pertinentijs earumdem; sancti Nicolai in Riede, sancti Martini in Chenaten, sancti Georgij in Halle, sancte Marie Virginis in Werzchirichen, sancti Benedicti in Petenbach et sancti Johannis in Vihetwanch parrochiales ecclesias cum Capellis ab eisdem ecclesijs dependentibus, decimis et omnibus pertinentiis earumdem. Predia, que in loco, qui dicitur Vihetwanch, proponitis uos habere; parrochialem ecclesiam sancte Marie Virginis in loco, qui dicitur Vorihdorf, et sancti Laurentij in Chirichheim et sancti Bartholomei in Einsidelinge Capellas ab eadem ecclesia dependentes cum decimis et omnibus pertinentijs earumdem. Parrochialem ecclesiam sancti Martini in loco, qui dicitur Steinenchirchen cum sancti Petri de Viscenheim et sancti Vdalrici de Celle Capellis ab eadem ecclesia dependentibus, decimis et omnibus pertinentijs earumdem. Parrochialem ecclesiam in Talheim cum Capella sancti Egidij in Ponte ac ceteris Capellis ab eadem ecclesia dependentibus, decimis et omnibus pertinentijs earumdem; parrochialem ecclesiam sancti Johannis in Welsa cum Capellis ab eadem ecclesia dependentibus, decimis et omnibus pertinentijs earumdem ; parrochialem ecclesiam sancti Jacobi in puochchirichen cum decimis et omnibus pertinentijs suis; duas partes decimarum, quas in parrochialibus ecclesijs sancti Kiliani de Wartperch, sancti Gregorij de Chirichdorf et sancte Marie Virginis de Gersten proponitis uos habere; parrochialem ecclesiam sancti Martini in Monte sancti Martini cum decimis et omnibus pertinentijs suis, ius patronatus, quod habetis in dictis ecclesijs et capellis; Predia, que habetis in eodem Monte sancti Martini. Stagnum in Albense et piscarias, quas habetis ibidem, Grangiam, quam habetis in Villa, que dicitur Moutarn, cum uineis et omnibus pertinentijs suis; possessiones, quas habetis in loco, qui dicitur Obelarn, necnon possessiones uestras alias cum terris, pratis, uineis, nemoribus, usuagiis in bosco et plano, in aquis et molendinis, in uijs et semitis et omnibus aliis libertatibus et immunitatibus suis. Sane noualium*). Ego Innocentius catholice ecclesie Episcopus ss. Ego Petrus Albanensis Episcopus ss. Ego Willhelmus Sabinensis Episcopus ss. Ego Petrus tituli sancti Marcelli Presbiter cardinalis ss. Ego Willhelmus basilice duodecim Apostolorum Presbiter cardinalis ss. Ego frater Johannes tituli sancti Laurentij in Lucina Presbiter Cardinalis ss. Ego frater Hugo tituli sancte Sabine Presbiter Cardinalis ss. Ego Johannes sancti Nicolai in Carcere Tulliano diaconus Cardinalis ss. Datum Lugduni per manum Magistri Marini sacre Romane ecclesie Vicecancellarij XVIII. Kal. Julii, Indictione VII, Incarnationis dominice Anno M. CC. XLVIIII, Pontificatus uero domini Innocentij pape IIII. Anno Sexto.

Source Fulltext: OÖUB 3 (Wien 1862) S. 155-157, Nr. 157