Nos Gozzo et Yrnfridus, filius eiusdem, Judex in Chrems tenore presentium publice profitemur, quod venerabilis dominus Abbas de Chremsmunster Fridericus nomine vineam alteri dimidii jugeris in winzurlperig situatam ab Engelberto amico nostro omni jure, quo alie vinee solent emi, coram nobis libere comparauit perpetuo possidendam, de qua dictus Abbas vel alter, qui suum Officium rexerit, michi Gozzoni Triginta denarios et dominis de zwetel viginti denarios in festo sancti Michahelis pro iure Ciuili annis singulis est daturus. In cuius rei testimonium et cautelam presentem Cedulam cum subnotatis testibus nostris Sigillis iussimus communiri. Hii sunt testes, qui interfuerunt: dominus Sifridus sacerdos, Hilperus, Andreas filius Liupoldi, Pilgrimus filius Sibotonis, Ciues Steinenses, Jacobus filius Gozzonis, Gotfridus, Siboto, Woluelinus, vlricus, Ciues in Chrems, Wikhardus prolocutor, Wikhardus dispensator Gozzonis, Chunradus willingerius, Wernhardus dictus pistor, Prehtlo sub vineis, heinricus et Heinricus filii sui, Gotfridus sub vineis, Richerus de Edelspach dicte vinee comperator et alii quam plures. Acta sunt hec anno domini M°.CC°.LXXXVI. VII. Idus Junii.

Source Fulltext: OÖUB 4 (Wien 1867) S. 46, Nr. 51