Universis presentes litteras inspecturis frater angelus dei gracia Episcopus Sulcitanensis et domini pape penitenciarius et frater Stefanus eadem gracia Episcopus verrcellensis salutem in domino sempiternam. Quoniam, ut ait apostolus, omnes stabimus ante tribunal Christi recepturi, prout in corpore gessimus, sive bonum fuerit sive malum, oportet nos diem messionis extreme misericordie operibus prevenire de eternorum intuitu seminare interris, quod reddente domino cum multiplicato fructu recolligere debeamus in celis firmam spem fiduciamque tenentes, quoniam, qui parce seminat parce et metet, et qui seminat inbenedictionibus debenedictionibus et metet vitam eternam. Cum igitur exparte dilectorum filiorum nostrorum ortolfi et Conradi nobis fuerit humiliter supplicatum, ut adecclesiam beatorum georij et briccij, elizabet, margarete, Jacobi et sancti andree in hal Pataviensis dyocesis velimus indulgenciam exhibere, Nos vero deomnipotentis dej misericordia et apostolorum Petri et Pauli eius auctoritate confisi omnibus vere penitentibus et Confessis, qui vel que predictam visitaverint ecclesiam inipsius festivitatibus seu solempnitatibus beate Marie virginis, Nativitatis domini, Circumcisionis, Epyphanie Resurexionis, Ascensionis, Penthostes (sic), Trinitatis, dedicacionis ecclesie Patronorum apostolorum Petri et paulj, aliorum apostolorum et ewangelistarum Sancti Johannis Baptiste et ewangeliste, Sancti michaelis et infesto omnium sanctorum, Sancti Nicolaj, Sancti laurencij, Sancti Vincencij, Sancti martini, Sancti Stephani, sancte Katherine, Sancte Lucie, Sancte agathe, Sancte angnetis, sancte margarete, Sancte Dorothee, Sancte marie magdalene, Sancte elizabet et pereorum octavas manusque porrexerint adjutrices adfabricam seu adluminaria ac eciam ad alia ornamenta ecclesie supradicte et dominicis diebus inquadragesima et qui predicacionibus interfuerint et ecclesiam Circuiverint devote, vel qui corpus Christi cum persacerdotem adinfirmos defertur secuti fuerint ac eciam, qui serotina pulsacione Campane ter devote ave maria dixerint, XL dies indulgencie deinjunctis sibi penitenciis in domino quilibet nostrum misericorditer relaxamus. Dum modo voluntas dyocesis adid accesserit et Consensus Incuius rei testimonium presentes fier fecimus nostrorum sigillorum apensione munitas. Datum Rome Anno dominj M°C°C°C°XXVI. Pontificatus domini Johannis pape XXII. Anno ejus Decimo.||
Nos quoque albertus dei gracia Pataviensis Episcopus predictas indulgencias, quantum de jure efficacius possumus ratas habemus et gratas confirmantes eas sub appensione nostri Sigilli Patrocinio huius scripti. Datum in Chremsmunster anno domini M°C°C°C°XXVI XII Kalendas Septembris.||
Et nos frater Rudolfus dei gracia Syrqn. episcopus, nec non vicarius eiusdem domini reverendi in spiritualibus generalis adjungimus XL dies criminalium et Cm venialium in singulis diebus prenotatis.

Source Fulltext: OÖUB 5 (Wien 1868) S. 637-638, Nr. XLVI (Anhang)