Reverendo inchristo patri ac domino karissimo Domino Friderico, venerabili Abbati in Chremsmu^enster, Totique Conventui ibidem ordinis beati Benedicti, Pataviensis dyocesis, Albertus divina favente gracia Abbas sancti Mychahelis in Metem totusque Conventus ibidem Ratispon dyocesis, ordinis supradicti, cum oracionibus devotis se totos adomnia beneplacita et in vinculo Karitatis. Quamvis omnes prounitate fidei inomnium salvatore unum esse corpus veraciter censeamur, nos tamen cupientes specialiter permutue ac nove confraternitatis contractum nobis sub Karitatis vinculo ceteris amplius uniri inclausulis subnotatis, volentes substatuto peticionum habere ratum et gratum videlicet, ut omnium beneficiorum, que divina volente gracia innostra Ecclesia peraguntur, vos esse volumus participes et consortes et quandocumque nobis obitus alicuius innotuerit exvestris fratribus, pulsatis Campanis Vigilias et sequenti die Missam in Conventu more solito peragemus et quilibet Sacerdotum tres votivas Missas dicet, inferioris vero gradus ordinis exintegro psalterium unum legant illiterati autem fratres centum dicent tribus vicibus Pater noster inremedium iam defuncti. Preterea, siquis exfratribus vestris ad nos cum litteris petitorijs directus fuerit, eundem in prebenda cum omnibus emergentibus solacijs honeste tenebimus tamquam fratrem ab infancia innostra Ecclesia educatum quamdiu suo Prelato visum fuerit expedire. Adhec autem omnia et singula supradicta cum sigillorum nostrorum apposicione vobis fideliter astringi volumus inperpetuum servaturi, si vos, ut presumimus nobis similem vicissitudinem rependatis. Actum et datum Anno domini Millesimo Trecentesimo Vicesimo nono in Annunciacione beati virginis Marie.

Source Fulltext: OÖUB 5 (Wien 1868) S. 639, Nr. XLVIII (Anhang)