Wir Friderich von Gotes genaden Abt ze Chremsmu^enster vergehen offenbar an dem Prief, daz wir dem Erberm mann\e Wernharten dem Achleitter und seiner hau^essvrow vron Elspeten daz Gu^et ze Rugenhaim verliehen haben zu einem Leibgeding und schullen uns iaerleichen an unser vrowen tag zder dienstzeit dreizk new Pfhenning dien in di Probstai zu anderr vodrung, di da von gehört, nach ir^e paider tod schol isi^er Selgeraet sein waz is pesser ist denn der recht dienst und schol ir^e paider iartag begangen werden mit mess und mit Vigili. geschaech des nicht So schol daz vorgenant Guet hin wider Erben auf di nachsten Erben So beschaidenleich ob is der hailigen tag ierten so schol is an dem nachstem tag geschehen an all aufschub. daz in di red staet und unverchert beleib, geb wir in disen Prief versigelt mit unserm anhangundem Insigel. Der Prief ist gegeben, do von Christes gepuerd ergangen warn Dreutzehen hundert Jar dar nach in dem dreuundreizzkistem Jar an Sand Cholmans tag.

Source Fulltext: OÖUB 6 (Wien 1872) S. 107, Nr. 97