Reverendo inchristo patri ac domino suo carissimo domino friderico venerabili abbati Nycolao priori totique Conventuj Ecclesie in Chremsmunster Pataviensis Dyocesis Hainricus dei gracia Abbas Monasterii Sancti Pauli in valle Laventina, Hermannus Prior totusque Conventus ibidem Saltzburgensis Dyocesis sinceram et fraternam in domino caritatem. Quoniam multiplicis tytulo honestatis Ecelesia vestra ab antiquo semper exstitit non inmerito commendanda fraternitatem inter nos huc usque contractam innovavimus per omnia in hunc modum. Quod cum plena confraternitate suffragiorum et bonorum operum in oracionibus in vigiliis et elemosinis, que pro nostris Conventualibus in Monasterio nostro fuerint, vobis et vestris confratribus, presentibus et futuris, sub presencium testimonio vobis damus unanimi ac communi decernentes consilio, ut inter premissa natalis beati Pauli apostoli, nostri Patroni, per vos in vestro Monasterio in festivitate ipsius sollempniter celebretur et nos Natalis beati Agapiti martiris, vestri Patroni, suo in festo viceversa sollempnitate debita peragatur, Insuper addicientes, quod causa necessaria et racionabili exigente fratres vestros cum litteris sui Abbatis ad nos missos recipiemus pro tempore oportuno, donec si emissionis eorum causa talis fuerit suo Abbati nostris precibus fuerint reformati vel ob aliam causam si fuerint emissi eadem causa cessante vel quomodolibet mitigata oco suo et consorcio fuerint restituti. Actum et datum in sancto Paulo Anno domini Millesimo CCCmoXXXV° VII Kalendas Novembris.

Source Fulltext: OÖUB 6 (Wien 1872) S. 182, Nr. 176