In nomine domini amen. Anno nativitatis ejusdem millesimo trecentesimo septuagesimo quarto indiccione duodecima die undecima mensis Novembris hora quasi nona pontificatus sanctissimi in Christo patris et domini nostri domini Gregorii divina providencia pape undecimi anno quarto coram reverendo in Christo patre et domino domino Alberto episcopo Pataviensi in mei notarii publici et testium subscriptorum presencia personaliter constitutus, discretus vir dominus Marquardus perpetuus vicarius ecclesie in Weizzchirichen Pataviensis diocesis, quandam litem habuit seu monebat contra venerabiles et religiosos viros dominum Heinricum abbatem et conventum monasterii in Chremsmu^enster dicte Pataviensis diocesis ratione census et incorporacionis dicte sue ecclesie in Weischirichen, mense prefati abbatis predecessorum et successorum suorum per sedem apostolicam ac per quendam Pataviensem episcopum unite et incorporate prout in litteris desuper editis et confectis lacius dinoscitur contineri. Quibus quidem litteris tam apostolicis quam ordinariis super unione et incorporacione dicte perpetue vicarie eidem monasterio in Chremsmunster datis et concessis visis lectis et intellectis plenius per ipsum dominum abbatem suo conventus et monasterii suorum nominibus eshibitis et productis ibidem supradicto domino Pataviensi episcopo loci ordinario ex tenore litterarum hujusmodi apparuit et constitit evidenter, quod eadem perpetua vicaria ecclesie in Weischirichen fuit et est dicto monasterio ut pretangitur per dictam sedem apostolicam nec non per quendam Pataviensem episcopum predecessorem suum unita et incorporata, unde ex premissis omnibus et singulis idem dominus Marquardus perpetuus vicarius ecclesie in Weischirichen memorate prefato domino Heinrico abbati ejusque conventui et monasterio in Chremsmunster singulis annis vite sue temporibus sedecim libras denariorum wiennensium quarum quidem sedecim librarum peciinias singulis quatuortemporibus quatuor libras denariorum monete ejusdem sponte et libere absque aliqua contradiccione sicut fuit et est hactenus conswetum et tanto tempore observatum, quod de ejus contrario hominum memoria non exsistit, ibidem promisit fideliter persolvere et assignare. Acta sunt hec in Ebelzperch dicte Pataviensis diocesis in domo habitacionis prefati reverendi patris domini Alberti Pataviensis episcopi anno indiccione die mense hora et pontificatu quibus supra presentibus honorabilibus et discretis viris dominis Johanne de Regen in Lintza Johanne de Patavia in Gmunden Hermanno in Vorchdorf parrochialium ecclesiarum rectoribus dicte Pataviensis diocesis, Nicolao capellano ibidem in Gmunden Michaele notario dicti domini abbatis et quam pluribus aliis fidedignis testibus ad premissa vocatis specialiter et rogatis. Et ego Heinricus Awnculi clericus pataviensis diocesis publicus sacra imperiali auctoritate notarius premissis omnibus et singulis nec non promissionibus dictarum sedecim librarum per dictum dominum Marquardum assignandarum dum sic agerentur et fierent una cum prefatis testibus presens fui eaque sic fieri vidi et audivi. Quapropter hoc presens publicum instrumentum aliis negotiis prepeditus per manum alterius scribi feci et in hanc publicam formam redegi, una cum reverendissimi in Christo patris et domini domini Alberti prefati episcopi Pataviensis sui sigilli presentibus appensione signoque meo solito et consueto signavi rogatus et requisitus in testimonium et evidenciam omnium premissorum.

Source Fulltext: OÖUB 8 (Wien 1883) S. 725f., Nr. 712