Ich Heinrich der Sulczpekch mein hausfraw vnd all vnser baider erben, die wir haben oder noch gewinnen, veriehen vnd tün chund mit dem offen brief, allen den, di in sehent. oder horn^et lesen. daz wi^er mit wolbedachten mu^et, vnd nach vnser pesten frewt (!) rat, vnd gůnst. redleich vnd recht ze chauffen haben geben, dem Erwirdign^e geistleichen herren, hern Mertein, ze den zeiten, abbt ze Chremsmünster, vnd seim gotshaus, vnd allen seinen nach chomen, den adamshof gelegen in chi^orchperger pharr, vnd der rechts lehen ist, von den Edeln fürsten den Hertzogen von Österreich, vnd di Scha^euermül, daselbs gelegen vnder dem adamshof, di recht lehen ist von im vnd seinem gotshaws, mit allen ern rechten vnd nu^eczen die dar zü gehornt, ze holcz, ze veld, ze wismat, wie di genant sind, vmb ain gelt, dez wir gantz vnd gar verricht vnd gwert sein, wir haben in auch, den selben hoff, vnd mu^el in geantwu^erd auz vnser nu^etz vnd gw^eer. in ir nu^ecz vnd gw^eer mit aller zügehörüng. wi^er schullen auch der vorgenanten hoff, vnd mu^el, ir gw^eer, vnd fürstant seinn, an aller der stät wo in dez not vnd tu^erft geschicht, als gwerschaft recht ist, in dem Lande ze Österreich, ob der Enns, Ging in aber an der gw^eerschaft icht ab, waz si dez schaden nemen. daz ir ainer. pei seinn trw^en, vngeswörn gesprechen mag. den selben schaden. mit sampt dem hauptgüt sullen wir in gantz vnd gar, ablegen vnd wider chern, angefa^er, vnd sullen si daz haben, ze vns vnd vnsern trw^en, vnd dar zü auf aller vnser hab, vnd guetern, liggund vnd varund, die wir haben oder noch gewinnen, wie di genant, vnd wo di gelegn^e ist, in Steten, merkchten, dorffern. auf strazz auf wazzer auf lannde inner lannds oder auzzer lannts, wesucht vnd vnbesücht, wo vnd wie si der aller nochst wechomen mügen, der selben hab, vnd gueter, schullen si sich, mit vnser aller guetleichen willen vnd wort, an alles geistleichs vnd weltleichs gericht, vnder winden. vnd sullen daz haben, inn. vncz allsuerre, daz si hauptgütz vnd schadens gancz vnd gar, da von wechömen. vnd schullen, si damit nicht gefreuelt, noch wider yemant getan haben, vnd dez gegen allen herschefften, vnd gerichten, vnd gegen, aller menkchleichen, allerding vnengolten weleiben, vnd daruber zu einem worn vrchund, so geben wir in den offen brief, versigilten, mit meins egenanten Hainrichs dez Sulczpekchen anhangunden Jnsigil, vnd zu ainer pessorn sicherhait vnd zeugnüzz versigilt, mit der erbern chnecht vlrich dez Metzen vnd Ruelant dez Ruezhaima^er angehangunden Jnsigillen, in an scha^eden, Geben nach christes gepu^erd dreuczehen hündert Jar, dar nach in dem echt vnd Sibentzgisten Jar, dez phincz tag nach sant Cholmans tage.

Source Fulltext: OÖUB 9 (Wien 1906) S. 509-511