Uniuersis Christi fidelibus presentes litteras inspecturis Michahel dei et apostolice sedis gracia Episcopus Sythiensis, salutem in eo qui est omnium uera salus, Unigenitus dei filius verbum patris humaniter incarnatum qui sua mundum illuminat claritate, de ipsius clementia in se sperancium vota, ipsius benigno fauore prosequitur, cum ipsorum humilibus sanctorum meritis, et precibus adiuuatur, Cum igitur circumspectus et prouidus vir presbiter Vrbanus Cajpellanus Reuerendi in christo patris domini Blasii episcopi mellensis ad Capellam sancti Sygismundi. prope Chremsmunster, Patauiensis dyocesis specialem gerat deuocionem, prout accepimus fide digno relatu, nobisque humiliter sujplicauerit, ut pro ipsius deuocione in domino peraugenda, Spiritualia munera largiri benigniter dignaremur, Nos igitur ipsius deuocioni grato concurrentes affectu, omnibus uere penitentibus et confessis, qui in festiuitatibus Natiuitatis, Resurectionis et Ascensionis domini nostri yesu Christi, Pentecostes, Trinitatis, Corporis Christi, singulis festiuitatibus beate Virginis marie, et sanctorum apostolorum. ac Euangelistarum atque beatorum doctorum, Ambrosij, Augustini, Jeronimi, et Gregorij. nec non patroni ipsius ecclesie uel capelle, ac in dedicacione prefate capelle, deuote visitauerint, ac eidem manus porexerint adiutrices, de omnipotentis dei, misericordia, et beatorum Petri et Pauli apostolorum eius auctoritate confisi, Quadraginta dierum in criminalibus. et quadraginta. in venialibus de in iunctis eis penitencijs in domino misericorditer relaxamus. Datum Wienne. anno domini Millesimo trecentesimo septuagesimo Nono. Jndiccione. II. die nono Mensis Maij. Pontificatus sanctissimi in christo patris et domini nostri, domini Vrbani diuina prouidencia pape Sexti Anno secundo.

Source Fulltext: OÖUB 9 (Wien 1906) S. 625-626