Wir Albrecht von gotes genaden Herczog ze Österreich, ze Steir, ze Kernden vnd ze Krain, Graf ze Tyrol zc. Embieten dem erbern gaistleichen vnserm lieben anda^echtigen dem Abbt ze Krembsmunster vnser gnad vnd alles guet. Wir gepieten dir ernstleich was man von dir vnd dem gotshaws Pa^ewtllehen hab. wa^ere, das die yemant. herren. Ritter. oder chnechten oder Burga^ern verchauffen wolt. das du des mit nichte günnest noch gestattest noch die yeman also leichest. Wolt dir aber oder demn (!) gotshaws yemant darumb swa^er sein, das du das pringest an vnsern haubtman mit dem haben wi^er geschafft, das er dir des vor sey. Geben vor Schawnberg an Montag nach vnser frawn tag Natiuitatis Anno Domini Millesimo. CCCo. LXXXo.

Source Fulltext: OÖUB 9 (Wien 1906) S. 886-887