Vrbanus Episcopus seruus seruorum dei ad perpetuam rei memoriam. Pastoralis officij debitum nos obligat assidue et compellit, vt circa eorum et Monasteriorum eorundem statum pro spiritu dirigendum vtiliter et feliciter ad augendum paternis studijs intendamus consulendo ipsorum prelatorum neccessitatibus et oportunitatibus providendo. Exhibita siquidem nobis dilectorum filiorum Abbatis et Conuentus Monasterii in Chremsmunster ordinis Sanctti Benedicti Patauiensis diocesis, peticio continebat quod ipsum Monasterium adeo ojpressum et collapsum ac diuersis debitis aggrauatum existit, quod nisi eidem de celeri remedio succurratur aditi non poterit vt resurgat, hec que forent notoria in illis partibus ac eciam manifesta Bone memorie Bernhardus Episcopus Patauiensis ad quem ipsi Abbas et Conuentus super eorum neccessitatibus habuere recursum de premissis omnibus informatus tractatu et deliberacione prehabitis cum Abbate et Conuentu predictis, cum aliter eorum neccessitatibus occurri non posset nisi vt parrochialis ecclesia Sancti martini. in Chempnaten dicto Monasterio immediate subiecta de iure patronatus et diocesis predictorum prefato Monasterio et mense Abbatis dicti Monasterij vniretur, ecclesiam ipsam cum omnibus iuribus decimis et pertinenciis suis dictis Monasterio et Mense auctoritate ordinaria vna cum dilectis filiis Capituli sui assensu de antiqua et ajprobata et hactenus pacifice obseruata et legitime prescripta consuetudine asserebat ad euitandum defectus. dampna et penurias dicti Monasterij magna ipsius neccessitate vrgente et communi vtilitate suggerente dictisque causis suadentibus eidem Mense abbaciali prout de iure melius potuit in Corporauit in perpetuum congrua porcione prouicario perpetuo in ea ministrante reseruata, ita tamen quod eadem ecclesia in diuino cultu et aliis obsequiis debitis non defraudetur prout in patentibus litteris inde confectis ipsius Episcopi sygillo munitis plenius dicitur contineri. Quare prefati abbas et Conuentus nobis humiliter sujplicarunt vt liceret eidem abbati et Conuentui corporalem possessionem ipsius ecclesie cum omnibus iuribus et pertinenciis et sine iuris uel hominis offensa libere per se uel alium seu alios ajprehendere et perpetuo ad opus Mense retinere. Nos itaque qui dictum Monasterium paterna dileccione prosequimur huius modi sujplicacionibus inclinati predictam ecclesiam sancti martini cum omnibus iuribus et pertinenciis suis dictis Monasterio et Mense perpetuo concedentes quod siue cedente uel decedente simul uel successiue ipsius ecclesie Rectore, qui nunc est, aut ipsam ecclesiam quomodolibet dimittens possint per se uel per alium seu alios ajprehendere et perpetuo ad opus Mense retinere et abbas et successores sui teneantur post adeptam possessionem ipsius omnia solita eidem ecclesie incumbencia onera sujportare. Non obstantibus quibuslibet statutis et Consuetudinibus Monasterij et ordinis predictorum dictam parrochialem ecclesiam cuius fructus redditus et prouentus viginti quinque marcharum argenti valorem annuum non ex cedunt dictis Monasterio et Mense auctoritate apostolica in Corporamus et presentis scripti patrocinio communimus ac predictum et quemlibet alium defectum qui interuenerit in ea sujplemus de apostolice plenitudine potestatis, Non obstante si aliqui super prouisionibus sibi faciendis de hac ecclesia speciales uel generales litteras impetrarint nostras uel predecessorum nostrorum Romanorum Pontificum aut legatorum sedis apostolice, eciam si per eas ad inhibicionem reseruacionem et decretum uel alias quomodolibet sit processum quas litteras et processus habitos per eosdem ad dictam parrochialem ecclesiam volumus non extendi. Sed nullum per hoc eis quo ad assecucionem aliorum beneficiorum preiudicium generari, seu quibuslibet litteris et indulgenciis apostolicis generalibus et specialibus quorumcumque tenorum existant perquas presentibus non expressa uel totaliter non inserta effectus presencium impediri ualeat quomodolibet uel differri, et de quibuslibet quorumcunque totis tenoribus de verbo ad uerbum habenda sit in nostris litteris mencio specialis. Nos enim ex nunc decernimus irritum et inane si secus super hiis per quoscunque quauis auctoritate scienter uel ignoranter contigerit attemptari. Nulli ergo omnino hominum liceat hanc paginam nostre in Corporationis et voluntatis infringere uel ei ausu temerario contraire. Si quis autem hoc attemptare presumpserit indignacionem omnipotentis dei et beatorum Petri et Pauli apostolorum se nouerit incursurum. Datum Rome apud Sanctum Petrum Jdus Maij Pontiflcatus nostri anno Tercio.

Source Fulltext: OÖUB 9 (Wien 1906) S. 851-853