Ich Haimel der Gwerleich dizeit schaffer zu Trawnkirchen vergich für mich mein hausfrau vnd all vnser erben vmb den chauff, als der erwirdig geistlich herr abbt Mert zu Kremsmünster im vnd sein gotzhaus von mir gechauft hat mein zwen hof einer genant der Aytterbekchof auf dem obern Chueperg der ander genant zu Aichenaw mit iren zugehorungen vmb hundert phunt vnd vmb funff vnd zwaintzig phunt wienner phening vnd vmb vir guldein, desselben gelts mir der vorgenant herre vnd sein gotzhaws schuldig sind awszerichten fünff vnd sibenczigk phunt vnd vmb die fünfzig phunt er den ainn hof auf dem obern Chueperg losen sol, darumb ich in versetzt hett, vnd an den fünff vnd sibenczig phunden, die er mir dannoch schuldig ist, ich von im emphangen han virvndzwaintzig phunt wienner phenig vnd der sag ich in vnd sein gotzhaws quidt vnd ledig. Mit vrchund des brifs versigelt mit meim aufgedruckten insigel im vnd sein erben an schaden. Geben an Phincztag vor sand Gregorientag anno etc. LXXXXVI.

Source Fulltext: OÖUB 11 (Wien 1983) S. 489-490