Ferdinand, König von Ungarn...Erzherzog von Östereich usw. verleiht seinem Rat, obersten Sekretär und Vizdom ob der Enns Johann Ferennberger zu Egennberg und seinen Erben in Ansehung der Dienste, so Er vnns vnnd vnnserm haus Österreich in vill wege fruchtperlich vnnd Ersprieslich gethon hat, ainen Burgkhfriden zu seinem Erblichen Sloss Egennberg mit den gemerckhten die anfahen am Kollpachgraben Vnnd geet für den Gattern des pawren am Rigl an Ortlsperg Vnnd von dannen an das Puechegkh, Vnnd darnach an an die Inner Lauttach, von dannen hinauf vber die Inner Lauttach an rechkogl von dannan den Grasing weg, auf den hewperg, von demselben perg ab vnnd ab, den Glatzberg hinumb zu der Glatzmüll, bis in die ausser Lauttach, die Lauttach ab, bis an den Planckhn in der Aw, darnach an dem Wasser der Albm, hinauf bis wider an den Kollgraben. Der jeweilige Besitzer des Schlosses kann in allen bürgerlichen, obrigkeitlichen und kleineren Strafsachen Recht sprechen und die Strafgelder einziehen, muß aber die Personen, die peinlichen am Leben oder Leib zu straffen wern befunden, sambt antzaigung der Indicia vnnsern Phlegern oder Lanndtrichtern vnnser herschafft Schernstain antzaigen Vnnd wie die mit Gürtl vmbfanngen sein, vber das wasser die Albm zu nechst bey dem steg der darüber geet, vnnd nit verrer vberantworten lassen. Doch wo bey denselben vblthettigen personen gelt, guet oder anndere hab, die Enntfrömbdet oder vnrechtfertig weren befunden, Vnnd die personen denen solch gelt oder guet Zuegehörte fürkommen vnnd dieselben güeter widerumb ersuechen würden, daz es damit gegen Erlegung des fürfanges gehalten werde, Wie sonnst Im Lannd ob der Enns der gebrauch ist; vnuergriffen das vnns vnnd vnnsern Erben Zu der der beruerten vnnser herrschafft Schernnstain Vnnsere Lanndthueber, so in dem angeregten Burgkhfriden sesshafft sein Vnd des Lanndtfueter auch alle Oberigkait mit Besitzung des Rechtenns Zu Vorchdorff beuorstee.  

Original dating clause: am 1. Septembris

Language: deutsch