Kaiser Ferdinand II. schenkt seinem Gehaimen Rath, Hoff camer Praesidenten, Antonio Abbten von Kremsmünster, dem er laut Kauff= vnnd Schermbrieff die vnnß bey negst entstandtenen Kriegsvnruhe vnnd Rebellion per Commissum haimb gefallene Herrschafft Schärnstain mit Ausnahme des Wildbahns überlassen hat, in ansehung der vnnß von ihm vill lange Jahr vnd vorderist bey obbemelt entstandenen Kriegsvngelegenhaiten auch andern schweren vnd gefehrlichen Zeitten in denen füergefallenen wichtigen Geschafften vnd begebenhetten mit seiner erleuchten vernunfft, füertrefflichen Prudenz vnnd wolerkandten erfahrnhait, sehr angenemben, getreuen Nutz= vnnd wollersprießlich gelaisten dienst für immerwahrende Zeiten zur genannten Herrschaft nachfolgenden Wildtpanns Getzierckh, welcher sich anfangt bey dem alten Schloß Scharnstain, Wo der Tießenbach heraus in die Almb flüest, diser Tießenbach Ziehet sich von langenstain auß, in Sattl, vnter denn Seißenburger Forst gehörig, Von dannen hinauß an das Hochegg, an den hochen Salm, von dannen in Sattl, an Entzenbach, wo es denn Sattl hat, da man das Holtz hineingeworffen, Vom Entzenbach biß auf die Grüenaw, Vnd nach derselben heraus biß widerumb Zum alten Schloß in Tießenbach, Zu disem aber auch der Langstain gehörig, Von dannen herfüer an daß Windthaag, Verrer Oberhalb Schütterberg, an den Hochenegg, volgents wider wo die Holtzhütten stehet, Vnnd so dann weiter wo der Tießenbach, vnd der Eiblberg aneinander gehen, am Hochenegg bey der Hulden, von der Sultz auß am Egg, her vnd her, bis wider zum Schloß. 

Original dating clause: den 5. Febr.

Language: deutsch