Kaiser Ferdinand II. schenkt, nachdem Wir auß rechtmesßigen Vrsachen, Dem Hochgebornen, Albrechten, Herzogen zu Meckhelburg, Fridtlandt vnnd Sagan, Fürsten zu Wenden, Grauen zu Schwerin, Herrn der Lanndte Rosstockh vnnd Stargardt, Vnnserm lieben Ohaimb vnnd Fürsten, gewisse Instruction, Gewaltt vnnd Befelch auffgetragen, alle der Jenigen Haab vnd Güetter, welche bey denen im heiligen Reich entstandtenen, vnd nun von Villen Jahren hero, ohne schew im schwung gegangnen Rebellionen, vnd wider Vnnß geführter schwere Krieg, sich vornemblich gebrauchen, vnd hierdurch Crimen Laesae Maiestatis Notorie begangen, zu appraehendirn, vnnd Vnnserm Kayl. Fisco zu applicirn, allermasßen dan solches Abschewliche Lasster, durch Georg Ludwigen Grauen zue Lewenstain, vilfeltig begangen, Vnnd Ihme dahero Vnnder anndern auch ein Ihme zuegehörttes Guett Abstatt, sambt allen Pertinenntien, Recht vnnd Gerechtigkeiten, zu Vnnsern alß högstlaedirten Oberhaubt handen eingezogen vnnd Confiscirt worden, dieser Gut sambt allen Herrlichgkeitten, Lanndtgericht, Wildtpann usw. seinem geheimen Rat Abt Anton von Kremsmünster für die vilfelttig allgemain nuz= vnnd Hochersprießliche auch Ansehenliche Diennst, Welche er Vnnß in Villen vnterschidtlichen Gehaimen, Wichtigen Verrichtungen, Commissionen, Legationen, Gesandtschafften, vnd schwären Handtlungen, Insonderheit aber, bey dem in daß Sibende Jahr, getragenen Vberschwären Hof Cammer Praesidenten Ambt, mit Vnnßerm mercklichen grosßen Nuzen, ansehenlich gebrauchen lasßen...auß yezt angezogenen vnnd andern bey Vnnß bleibenden rechtmessigen Vrsachen als freies Eigentum, unterstellt ihm die dazu gehörigen Untertanen Crafft Vnnsers Ihme zu dem endt erthailten sonderbahren Kay. Befelch, vnnd offnem Gehorsambbrieffs, sichert ihm und allen, welche daß Guett, mit guettem Titl, vnd seinem Willen an sich bringen, oder Erkauffen möchten, seinen kaiserlichen Schutz und Schirm zu und setzt auf die Verletzung des Privilegs eine Strafe von 20 Marckh löttigs Goltts, die zur Hälfte der kaiserlichen Kammer, zur Hälfte dem Besitzer des Gutes verfallen.