In nomine sancte et indiuidue trinitatis ego altmannus dei gratia sancte patauiensis ecclesie episcopus. Licet omnibus, quos in christo sollicitudine sacerdotalis prouidentie amplectimur omnifariam impendere diligentiam debeamus, precipue tarnen pauperum christi intimo ex affectu memores esse debemus et non solum presentibus immo et futuris eorum obuiare inconmodis. Ea propter notum esse uolumus uniuersis christi fidelibus tarn futuris quam presentibus, qualiter peticione dilecti confratris nostri Adelberonis ecclesie wirziburgensis episcopi quoddam concambium, quod iam olim per auum eius Arnoldum cum predecessore nostro beate memorie presule Christiano legitime actum fuerat, sed nostris temporibus nonnullam contradictionis molestiam sustinebat, nos deo propicio, ut idem concambium in perpetuum fixum esset et immobile, cum cqniuentia totivs cleri et populi ecclesie nostre repetita conmutatione renouauimus et omnem futuris temporibus controuersie ac simultatis causam decidimus. Denique a supradicto Adelberone confratre nostro acceptis tribus mansibus sui predii, uno in Niunchirchen, duobus in Gundeschirchen nos decimas, quas parentes eius uidelicet pater Arnoldus et auus Arnoldus et marchio Gotefridus possederant et ecclesie lambacensi contradiderant, hoc est in terminis parrochie, que pertinet ad memoratum cenobium, in pachmannen quoque in terminis sui predii et patrui sui Arbonis episcopali auctoritate et banni nostri interpositione eidem ecclesie et fratribus ibidem conmunis uite disciplinam sectantibus libere et secure possidendas confirmauimus. Siquis igitur episcoporum aut laicorum hanc nostram confirmationem infringere aut annullare presumpserit, ex auctoritate patris et filii et spiritus sancti perpetuo anathematis uinculo subiaceat, nisi forte resipuerit et sub debite reconpensationis satisfactione penitentiam egerit. Ne uero confirmationem hanc aliqua imperpetuum possit exterminare obliuio, eam sigilli nostri impressione iussimus et testium subscriptione corroborari. Testes sunt canonici Ro^upertvs prepositus, O^udalricus decanus, Meginhardus, Chu^onradus, Guntherus, prepositi Wezil, O^udalricus archidiaconi. Laici O^udalricus comes aduocatus patauie, Heinricus comes de formbach et frater eius Gebeharth de Uiethensteine, Eberhardus comes de formbach, Hermannus comes frater O^udalrici de windeberge, Gotefridus de Gottinsdorf, Arbophath de Echinperge, Arbo de Heicinisdorf, Erchinpreth et frater eius Altman de Aiterbach. Data patauie anno ab incarnatione domini millesimo I. VI. Indictione VIIII. Episcopatus autem domni Altmanni anno VIII. temporibus Ekkeberti abbatis.

Source Fulltext: OÖUB 2 (Wien 1856) S. 94-95