Alexander episcopus seruus seruorum dei dilectis filiis bernardo abbati monasterii sancti quiliani lambacensis eiusque fratribus tam presentibus quam futuris regularem uitam professis in perpetuum. Desiderium, quod ad religionis propositum et animarum salutem pertinere monstratur, sine aliqua est dilatione complendum. Eapropter dilectj in domino filij, uestris iustis postulationibus clementer annuimus et prefatum monasterium, in quo diuino mancipati estis obsequio, sub beati Petrj et nostra protectione suscipimus et presentis scripti priuilegio conmunimus, In primis siquidem statuentes, ut ordo monasticus, qui secundum deum et beati Benedicti regulam in uestro monasterio noscitur institutus, perpetuis ibidem temporibus inuiolabiliter conseruetur. Preterea quascumque possessiones, quecumque bona idem monasterium in presentiarum iuste et canonice possidet aut in futurum concessione pontificum, largitione regum uel principum, oblatione fidelium seu aliis iustis modis do propitio poterit adipisci, firma uobis uestrisque successoribus et illibata permaneant. Sane noualium uestrorum seu, que propriis manibus aut sumptibus colitis, siue de nutrimentis uestrorum animalium nullus a uobis decimas presumat exigere. Obeunte uero te nunc eiusdem loci abbate uel tuorum quolibet successorum nullus ibi qualibet surreptionis astutia seu uiolentia preponatur, nisi quem fratres conmuni consensu uel fratrum pars consilij sanioris secundum dei timorem et beati Benedicti regulm prouiderint eligendum. Sepulturam quoque ipsius loci liberam esse concedimus, ut eorum, qui se illic sepeliri deliberauerint, deuotioni et extreme uoluntatj, nisi exconmunicati uel interdicti sint, nullus obsistat. Parrochias et capellas uestras cum decimis confirmamus. Decernimus ergo, ut nulli omnino hominum liceat prefatum monasterium temere perturbare aut eius possessiones auferre uel ablatas retinere, minuere seu quibus (sic) uexationibus fatigare, sed illibata omnia et integra conseruentur eorum, pro quorum gubernatione ac sustentatione concessa sunt, usibus omnimodis profutura Salua sedis apostolice auetoritate et diocesani episcopi canonica iustitia. Siqua igitur in futurum ecclesiastica secularisue persona hanc nostre constitutionis paginam sciens contra eam temere uenire temptauerit, secundo tertioue conmonita, nisi presumptionem suam congrua satisfactione correxerit, potestatis honorisque sui careat dignitate reamque se diuino iudicio existere de perpetrata iniquitate cognoscat et a sacratissimo corpore et sanguine dei ac dominj redemptoris nostri iesu christi aliena fiat atque in extremo examine districte subiaceat ultionj. Cunctis autem eidem loco sua iura seruantibus sit pax dominj nostrj iesu christi quatinus et hie fructum bone actionis percipiant et apud districtum iudicem premia eterne pacis inueniant AMEN A..... AMEN. (Monogramma) Ego Alexander Catholice Ecclesie Episcopus subscribo.||
C. Ego hvbaldus presbyter cardinalis titvli sancte Crucis in ierusalem. Subscribo, C. Ego Hvbaldus Hostiensis Episcopus Subscribo. C. Ego Jacintus diaconus cardinalis Sancte Marie in cosmydyn subscribo. C. Ego henricus presbyter cardinalis tituli sanctorum Nerej et achillej subscribo. C. Ego iohannes presbyter cardinalis tituli sancte anastasie subscribo. C. Ego Albertus presbyter cardinalis tituli sanctj Laurentij in Lucina subscribo. C. Ego Gvilielmus tituli sanctj petri ad uincula presbyter cardinalis subscribo. C.Ego bernardus portuensis et sancte rufine episcopus subscribo. C. EgoWalteriits Albanensis episcopus subscribo. C. Ego Oddo diaconus cardinalis sancti nicholai in carcere tullensis (?) subscribo. C. Ego Ardicio diaconus cardinalis sanctj Theodorj subscribo. C. Ego Boso diaconus cardinalis sanctorum Cosme et Damianj subscribo. C. Ego Cinthyus diaconus cardinalis sancti adriani subscribo. C. Ego Petrus diaconus cardinalis sancti Eustathii iuxta templum agrippe subscribo. C. Ego manfredus diaconus cardinalis sancti georgii ad uelum aureum subscribo. Datum Biturici per manum Hermanni sancte Romane ecclesie subdiaconi et Notarij iiij. Nonas Augusti, Indictione XI, Incarnationis dominice Anno M. C. LX. III Pontificatus uero domini Alexandri pape III. Anno Quarto.

Source Fulltext: OÖUB 2 (Wien 1856) S. 324-326