Sciat omnis fidelium multitudo, quod quidam Heldolfus monachus et camerarius in Chremsmunster ultra XI. mansos secus Livbenbach ²⁾ officii sui tempore monasterio conquisiuit partim largicione cuiusdam nobilis matrone Benedicte partim ab hominibus propriis eiusdem matrone, qui eos libera possederant proprietate. Defuncta uero predicta matrona filii eius Heinricus et Gebhardus de Schowenberch occasione horum, que a matre et suis monasterio prouenerant eciam ea, que camerarium emisse commemorauimus dicioni sue uendicauerunt, quamuis tamen ipsam monasterii fratres ultra XXX. annos quieta possessione tenuerint. Abbas itque Adalramus II racionabiliter et satis reclamans nihil profecit, donec tandem alteri fratrum Heinrico scilicet dedit XXX. talenta eo quod ipse a prescripta quieuit iniuria et pro fratre spopondit, quod idipsum facturus esset; sed hec sponsio effectu caruit. Postmodo abbas Vdalricus III. hec et illa proponens domino Gebhardo demum dedit XX. talenta et parefridum unum et sic ipse cum uxore et prole eorumdem bonorum iurisdicionem totaliter abdicauit. Verum quia extrema renunciacio coram domino Diepoldo Pateuiensi episcopo et duce Austrie Luipoldo facta est, ipsi paginam presentem suis muniuere sigillis et geste rei hos testes adhibuerunt: Diepoldus episcopus, Livpoldus dux, Engelbertus de Blanchenberch, Wernher de Griezbach, Pernhart de Trvna, Walther de Rvdlaiching, Herman de Hvnzenbach, Ekkrich de Hugenberch, Virich de Michelenpach, Otto de Nordernbach, Engilberht de Stvben, Egin de Posenbach, Willehalm de Gailesbach, Rvdolfde Vinchenhaim, Chvnrat Rv^ogehalm, Herrant Wormel, Rvdpreht Stal, Pernhart de Abbatia, Alram preco, Heinrich Stal, Rvpreht camerarius, Hertwich de Pvtenbach, Chunrat Zant, Dietmar et Prvn de Lengenowe, Dietmar de Goldarn. Circa annum domini M. C. LXX. V. ³⁾

Source Fulltext: OÖUB 2 (Wien 1856) S. 352