Ich Kuenrad von Kappeln vergich an disem brief, das der werde Abbte Kristan von Lambach mit seins Convents guetem willen mir vnd meiner hausfrawn frawn Mintzlain vnd vnsern Kindern, ob wir sew miteinander gewůnen, Es sein sun oder tochter, hat gelihen einen hof datz Posche mit so getaner beschaidenhait, ob wir nicht Kinder gewunen, so sollen annder vnnser frewndt mit dem vorgenannten hof nicht ze schaffen haben; vnd das Im das stet vnd vnuerkert beleib, darumb gib ich im disen offenn brief versigelt mit meinem Insigl. diser brief ist geben do von kristes gebůrd waren vergangen Taůsent Jar zwayhůndert Jar in dem Sechs und newntzigisten Jar an sandt Merteinstag.

Source Fulltext: OÖUB 4 (Wien 1867) S. 247, Nr. 273