Uniuersis Christi fidelibus presentes literas jnspecturis Nos Banricius Caleretanus, Adenulphus Cosanus, Basilius Jerosolomitanus Dei gratia Archiepiscopi, Nicolaus toribulensis, Thomas Etesiensis, Antonius Cenodiensis, Jacobus Calcedoniensis, Bernardus Pacensis, Nicolais Necastrensis et Jacobus Bibliensis eadem gratia episcopi salutem et sinceram in domino Caritatem. Ad diuine laudis obsequium basilice sanctorum in titulum eriguntur, ut in eis, que domus orationis existunt suffragia beatorum agminum implorentur, quorum presidiis christi fideles eterni gaudii premia consecuntur. Terrestris quidem ecclesia Celestis mansionis edificium representat et in hac exhiberi debet obsequium, quo ad illam mansionem per feliciorem ascensum possit aditus preparari. Cupientes igiter, ut Ecclesia sancte Marie et sancti Kehiliani Lambacensis diocesis Patavfiensis congruis honoribus frequentetur et a Christi fidelibus iugiter ueneretur, Omnibus uere penitentibus et confessis, qui ad dictam Ecclesiam jn subscriptis festiuitatibus uidelicet ipsius sancte Marie et sancti Kchiliani cum omnibus cappellis suis et superuenientibus congruis honoribus frequentetur et a Christi fidelibus iugitur ueneretur, Omnibus uere penitentibus et confessis, qui ad dictam ecclesiam in subscriptis festiuitatibus scilicet ipsius sancte Marie et sancti Kchiliani (sic), in cuius honore dicta ecclesia fundata est et omnium reliquiarum, que in dicta Ecclesia continentur et in subscriptis festiuitatibus scilicet Natiuitatiuitatis (sic), circumcisionis, epiphanie, resurrectionis, Ascensionis et Pentecostes domini nec non Natiuitatis, Assumtionis, Conceptionis, purificationis et Annuntiaionis beate uirginis Marie et beatorum Petri et Pauli Apostolorum et in commemoratione omnium Sanctorum, sancti Johannis Euangeliste et sancti Benedicti, Sanctorum Stephani, Laurentii et Vincentii et blasii Martirum et Martini et Nicolai confessorum et in dedicatione ipsius ecclesie sancte Marie et sancti Kchiliani cum capellis suis et per ipsarum festiuitatum octauas causa deuotionis accesserit uel qui ad fabricam, luminaria, ornamenta, constructura, reparatura seu alia necessaria manus porrexerit adiutrices nec non illi sacerdoti uel clerico celebranti et seruienti in dicta ecclesia et missam cotidie canentibus, Cellebrantibus presentibus et futuris elimosinas et offertas dederit et obtulerit et qui de suo prebuerit, judicauerit uel reliquerit Et qui sacerdotem cum sacra communione uel unctione infirmos uisitantem deuote associauerit et qui miracula existentia in dicta ecclesia monstrauerit uel denuntiauerit aut qui bona in sui corporis sanitate seu etiam laborantes in extremis et quicquid suarum predicte ecclesie legauerint facultatem de omnipotentis dei misericordia et beatorum Petri et Pauli Apostolorum eius et omnium aliorum Apostolorum, sanctorum et sanctarum dei et gloriose uirginis Marie auctoritate confisi singuli nostrum singulas quadraginta dierum indulgentias ... de iniunctis sibi penitentiis misericorditer in domino relaxamus, Dummodo diocesani uoluntas accesserit et consensus. In cuius rei testimonium presentas literas nostrorum sigillorum fecimus appensione muniri. Datum Rome Anno Natiuitatis Domini Millesimo Trecentesimo. Pontificatus domini Bonifacii pape Octaui anno sexto.

Source Fulltext: OÖUB 4 (Wien 1867) S. 358-359, Nr. 385