Ich Hainreich der Schonauwer mein hausfrow vnd allew vnser payder erben veriehen offenlich mit dem prif vnd tun chunt allen den di in sehent hörnt oder lesent daz wir mit wolbedachtem mu^et vnd nach rat vnser pesten freund czu den czeiten, da wir es wol tu^en mochten gancz vnd gar gericht haben vmb den chri^eg vnd st[özz] di^e wir gehabt haben chegen dem erwirdigen gotshaus ze Lambach von des gu^ets wegen, daz genant ist der Chesselpoden pey der pyrhen gelegen in Vychtwanger pharr, alzo beschaidenlich, daz wi^er noch all vnser erben fu^erpas chain ansprach noch zuspru^ech nymmer mer nach dem selbigen gu^et gehaben schu^elen wider (sic) an recht noch mit recht. Wir offen auch. ob wir oder vnser nach chv^emft oder eriben mit dhainer v^erchu^end her fu^er chaemen, dew schu^elen allew ab sein, vnd to^ete, auch di^e mit dem chegenwu^ertigen pri^ef. Daz dem vorgenanten gotshau^es vnd auch vns di^e vorgenante rede staet vnd vnczeprochen beleib, dar v^eber gib ich in Hainreich der Scho^enauwer dem obgenanten gotshau^es den prif versigelten mit meinem anhangunden Jnsigel vnd ze ainer pessern sicherhait vnd czewgnuzz mit meins lieben aydem Go^eschleins dez Lerwo^ellers anhangunden Jnsigel, vnd mit meins lieben Swager Helmharz dez Jo^erger anhangunden Jnsigel di^o si^e an den pri^ef du^erch meiner vleizigen pett willen gehangen haben in vnd all irn erben an schaden. Der pri^ef ist geben nach Christi gepu^erd drew czehen hundert jar dar nach in dem acht [und s]übinczgesten jar an sand Mathias tag der da wirt vmb den vaschang.

Source Fulltext: OÖUB 9 (Wien 1906) S. 393