Ich Fridreich Pudminger vergih mit dem priff von des guts wegen, das ich han in der Chlaws gelegen in Chirchdorffer pharr, das lehen ist von dem erwirdigen gotshaus von Lambach, dauon ich vnd mein erben demselben gotshaus alle iar järleichen dienen (sollen) an vnser Frawentag ze der dinstzeit drey schilling Wienner pfenig vnd drew dinst huner oder sechs phenig; ob wir den dinst zu dem vorgenanten tag nicht geben, so sein wir des wandels veruallen, also des dinsts recht ist. Vnd des ze vrchunt der sach daruber gib ich vnd mein erben dem vorgenanten gotshaus den briff versigelt mit meim aigen anhangunden insigel. Datum M°CCC° nonagesimo nono feria sexta post festum Margarete.

Source Fulltext: OÖUB 11 (Wien 1983) S. 845