Ich Jo^erig, ich Herman, paid pru^eeder die Pawngartinger auf ainem tail, ich Elzbet, ich Dorothe und ich Angnes, all drey swester Hannreichen dez Pawngartinger sa^eligen chinder auf dem andern tail, wi^er vergehen all offenlich mit dem brief allen den, sa er fu^er ku^empt, das wi^er unverschaidenlich ainen trewn sta^eten hindergank tan haben und tu^en auch wissenlich mit dem brief umb all zuespru^ech und misshelung, sa wi^er gen einander gehabt haben von wegen aller der hab und gu^ets wegen, so der erber unser lieber veter Ott Pawngartinger sa^eligen kinder im lassen hat, wie daz genant ist, oder wo daz gelegen ist, nichtz awsgenomen, haben wi^er ainen trewn hindergank tan hinder die erbern, sa sew mit nam her nach verschriben stent, von erst Joachim den Anhanger, Ulreich den Veltinger, Asem den Schonnawer, Steffan den Gawman, Hansen den Anhanger und Wolfgank den Mu^elbanger, als was die obgenanten sechs spruchman umb die obgenanten zuespru^ech und misshelung tzwischen uns payden tailen sprechent und erfindent, es sey mit recht oder myenn, da mainen und wellen wi^er gentzleich pey weleiben angever, und schol der selb awspruch auch geschehen in dem [...]^a) zu Swans an sand Angnesen tag, welicher tail aber der awsgieng und nicht hielt oder zu dem benanten tag nicht cha^em, was die obgenanten sechs spruchman tzwischen uns payden tailen spra^echen, der selb wer vor aws von allen seinen rechten und zuespru^echen und dar zue dem andern tail vervallen hundert phunt phennig und den spruchlaewten auch hundert phunt phennig, und dez allez ze u^erchund geben wier den obgenanten unser aller spruchla^ewten den hintergank brief wesigelt mit unser obgenanten baider aufgedrukten insigel Jo^erg und Herman der Pawngartinger und mit dez erbern Syman dez Chempnater auch aufgedrukten insigel pesigelt, dar under ich mich sein obgenante hawsfraw Elzbet, Hainreich dez Pawngartinger sa^eligen tochter und i^er erben verpinden und mit dez erbern Ulreich der Prugkner auch aufgedruckten insigel, dar under wi^er uns obgenantew Dorothea und Angnes payd swester Hainreichen dez Pawngartinger sa^eligen tochter und unser erben uns verpinden allez daz sta^et und unverchert gentzleich an arig list volfu^eren unser yegleicher tail des oben an dem hindergang brief verschriben und pegriffen ist. Der brief ist geben, da man zalt nach Christi gepu^erd vi^ertzehen hundert jar dar nach in dem funften jar an sand Angnesen tag. 1

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 550f, Nr. 456