Erwirdiger und gena^ediger herr herr Symon abt ze Lambach mein willig gehorsam dinst [...] izzt alczeit vor mir Helmharten dem Ho^echenperger, puerger im Newnmarkt. Es ko^ement zw ewern genaden die erbern Hainreich der Wagenleiter und Hanns der Cho^elbel, bayd burger ze Wels, und sind antwurter des briefes, den ich ze chawffen hab geben mein wiss ze Nyderlochen, und ist genant die Po^entwis, gelegen in Welse^ar pharr, und die ich von ewern gnaden ze lehen gehabt hab, pitt ich ewer gnad mit allem vleis von mein, meiner hawsfrawn und unser erben wegen, das ir den obgenanten Hainreichen dem Wagenleiter und Hannsen dem Chölbel die obgenant wis geruecht zu verleichen. Das wellen wir umb ewer genad gern verdiennen, wann das unser guetleich will und wort ist, und geben ewern genaden auch die lehenschaft der obgenanten wis auff. Mit urchund des briefes, den wir ew daru^eber geben, versigelten mit des eribern Chunrads des Awoldinger aufgedrukten insigel, den ich mit vleis daru^emb gepeten hab, im und sein eriben an schaden. Der brieff ist geben des sambstags [v]or dem auffart tag nach Christi gepuerd vierczehenhundert jar und dar nach in dem fu^enften jar.

Source Fulltext: StiAL, Kopialbücher, HS 16, P. Augustin Rabensteiner OSB: Documenta monasterii Lambacensis Bd. I, ab anno 992-1415, S. 562, Nr. 466