Wir Jacob von Gots gnaden abbt ze Lambach und der gantz convent daselbs vergehen und tun kund offenleich mit dem brif allen, den er fur kumbt, das fur uns komen ist Hainreich auf dem Puchhoff und hat mit willen seiner hawsfrawn und aller seiner erben recht und redlich ledichleich ubergeben die hub ze Pirhach, gelegen in Puchler pharr bey dem Slusselperig, und recht eribrecht ist von uns und unserm gotzhaws, und die gegeben seinem sun Ulreichen, seiner hawsfrawn und allen seinen erben mit allen den ern, rechten und nutzen, die von allter und durich recht darzu gehorent und davon bekomen mugent, nichts ausgenumen in der beschaiden, das man uns und unserm gotzhaws jarleich und all jar davon diennen und raichen sullen an unser frawntag ze der dinstzeit sechtzig new Wienner phenig, an sand Jorgen tag zehen Wienner phenig ze vogtstewr. Es ist auch der benant Hainreich mit sambt seiner hawsfrawn und erben der benanten hub mit ir zugehorung des benanten seins sunes und erben aller recht gewern und furstandt fur alle ansprach, als offt in des mit recht, not und durft geschicht, allso ubergebens und des lanndes recht ist ob der Enns. Wir offen, sew sullen dhain wandlung mit der benanten hub nicht haben in dhainerlay weis an unser hanndt und guten willen, und sullen auch alles das davon leiden und dulden gein uns und unserm gotzhaws, das ander unsers gotzhaws erbler gein uns leident und duldent unvertzigen unsers gotzhaus rechten in allen sachen. Das bestatigen wir mit dem offen brief, versigelt mit unsern anhangunden insigeln, der geben ist an eritag vor sand Simon und sand Judas tag nach Christi geburd viertzehenhundert jar, darnach in dem newntzeheten jar.

Source Fulltext: StiAL, Kopialbücher, HS 17, P. Augustin Rabensteiner OSB: Documenta monasterii Lambacensis Bd. II, ab anno 1416-1443, S. 88f, Nr. 655