Wir Hanns von Gots gnadn abbt ze Lambach [bekennen o]ffenleich mit dem brif allen den er furkumbt, das fur uns komen ist Janns, Ullreichs d[es Widmer vo]n Atzmansdorff saligen sun und hat mit wolbedachtem mut und gutem willen seiner geswistr[ed Gangl]eins, Jorgleins und Angnesen recht und redleich gemacht und geben seiner eleichen hawsfrawn Katrein, Jannsen des Schern in der Grub tochter, zwaintzig phunndt Wienner phenig ze rechter margengab und zwaintzig phunndt Wienner phennig ze rechter haimstewr, yesleichs nach dem lanndes recht ob der Enns, auf seinem gut ze Atzmansdorff, gelegen in Stainenchiricher pharr, und ist eribrecht von uns und unserm gotzhaws, und was ubertewrung auf dem obgenanten gut ist, hat er ir gemacht ze rechtem heyratgut, auch nach dem lanndesrecht. Allso haben wir der benanten Katrein das egenant gut gancz mit seiner zugehorung verlihen mit allen den ern, rechten und nutzen, die von allter und durich recht darzu gehorent und davon bekomen mugen, nichts ausgenomen in der beschaiden, das man uns und unserm gotzhaws jarleich davon diennen und raichen sol nach innehaltung unsers gothaws urbarpuchs. Der benant Janns Widmer und sein erbn sind auch des benanten guts mit seiner zugehorung und gemachts, dar auf seiner egenanten hawsfrawn und ir erbn recht gewern und furstanndt fur alle ansprach, als offt in des mit recht, not und durft geschicht, allso soleichs gemachts und des lanndes recht ist ob der Enns. Wir offen, sew sullen dhain wanndlung damit haben in dhainerlay weis an unser hanndt und guten willen und sullen auch alles das davon leiden und dulden gein uns und unserm gotzhaws, das annder unsers gotzhaws erbler gein uns leident und duldent unvertzigen unsers gotzhaws rechten in allen sachen. Des ze urchund geben wir in den brif, versigelt mit unserm anhangunden insigel. Geben an sand Jorgen tag nach Christi geburd viertzehenhunndert jar darnach in dem drew und zwaintzigisten jar.

Source Fulltext: StiAL, Kopialbücher, HS 17, P. Augustin Rabensteiner OSB: Documenta monasterii Lambacensis Bd. II, ab anno 1416-1443, S. 144f, Nr. 699