Dem erwirdigen geistleichen herren hern Thoman abbt zu Lambach unserm genadigen lieben herrn empewt ich Dorothea Fridreichs Vischer weylandt zu Tesselprunn seligen witib anstat mein, meiner kinder Kunrats, Micheln, Wolfganng und Margrethen Sigmundtz zu Puebenlanndt hausfrawn, auch Elsbethen, unser willig diesst zuvor. Ich tun ewern gnaden zu wissen, das ich dem edeln vessten ritter hern Jorigen dem Perkchaymer, frawn Susanna seiner hausfrawn und irer baider eriben ze kauffen gegeben hab die hueb geleich halbew zu Offenhausen im darff gelegen, da yeczund unser vetter Helmel aufsitzt und vor zeiten des Weyssen gewesen ist, und unser erib von ewern gnaden. Bitt ich ewr genad dyemutikleich den kauf bestetten und den brief sideln, daz wellen wir umb ewr genad gern verdienn. Und wann ir das also getan habtt, so glob ich anstat mein, meiner benanten kinder und fur all unser eriben mit mein trewn aydesweys furbas in ewr sigill nichtz reden noch ze sprechen in kainerlay weys angever. Mit urkund des briefs, den wir ewern gnaden darumb geben, besigelten mit des edeln Lienharten Kembnater aufgedrukchtten insigel, den ich obgemeltte Dorothea mit vleyss darumb gebeten hab, im und allen sein eriben an schaden, darunder ich mich fur mich, meinew berurte kinder und fur all unser eriben verpind mit mein trewn aydesweys daz alles war und stet zu halden und zu volfurn, das an dem brief geschriben stet. Geben als man zalt nach Kristi geburd in dem vierczechenhundert und vier undvirczigisten jaren an mantag vor sannd Johannstag ze Sunibenndtten.