Reverendo in Christo patri domno Thome abbati necnon venerabilibus et religiosis patribus et fratribus Alberto priori totique conventui monasterii Lambacensis, ordinis sancti Benedicti, Pataviensis diocesis ac eorum successoribus nos fratres Johannes abbas, Basilius prior totusque conventus monasterii beate Marie Virginis alias Scotorum Wienno cum since[re] caritatis affectu salutem in Domino perhenniter adipisci. Quia mediante caritate, que virculum perfeccionis ab apostolo predicatur, membra singula in corpore sancte ecclesie sibi invicem coniunguntur ex Christo suo capiti percipiendam per ipsum et in ipso graciarium spiritualium influenciam uniuntur, tanto liberius atque libentius sinum caritatis in ampliande confraternitatis dilatamus consortium quarto ad participacionem fructus huiusmodi feventius anhelamus, unde vestrarum caritatum precibus et religiositatis conformitate moti matura deliberacione prehabita mutue fraternitatis consortium et omnium bonorum participacionem in missis, oracionibus, elemosinis, abstinenciis et vigiliis ac aliis virtutum operibus et exerciciis, que divine clementia per nos et successores nostros in dicto nostro monasterio dignabitur operari vobis ac vestris successoribus libentissime communicamus adicientes nichilominus, quod cum obitus fratris unius vel plurium predicti vestri monasterii professi vel professorum nobis intimatus fuerit, vigilias trium lectionum et missam defunctorum iuxta consuetudinem nostri monasterii peragemus, sed et singuli sacerdotes missas legentes singulas missas legent, clerici vero missas non legentes, officium defunctorum totum vesperas scilicet et vigilias novem leccionum cum laudibus, conversi autem centum pater noster cum totidem ave Maria in remedium animarum eorundem dicent. Insuper nomina personarum dicto modo nobis denunciatarum kalendariis mortuorum nostrorum studebimus annotare. In quorum omnium testimonium et robur hanc paginam sigillis nostris abbaciali videlicet et conventuali appensis vestris caritatibus tradere decrevimus communitam. Datum in supradicto nostro monasterio Scotorum Wienne anno ab incarnacione Domini millesimo quadringentesimo sexagesimo sexto.