Fridreich von Gots genaden||
romischer kaiser

Ersamer geistlicher lieber andechtiger. Als yetz durch [...]ndleit ob der Enns ain anslag ains volkhs ze rossen und ze fussen den veindten [...]annd auf sy und die iren beschehen ist, haben wir auf unser preleten und g[...]oser ain anslag furgenom, und darin auf dich sechs ze rossen und virtzehen ze fu[ssen] werlich geslagen. Emphelhen wir dir ernstlich und wellen, das du dieselben antzal werlich ze rossen und ze fussen in den lewffen zu widerstannd der veindt bestellest und bey dir in deim gotshaws haltest geordert und geschickht, wann man der wider dieselben veindt bedurffen und wir oder unser haubtleut dir darumb schreiben werden, daz man die berait, vind geschickht mit anndern den unsern wider die veindt ze tziehen und ze helffen den widerstannd ze tun, und darin nicht sewmig seist noch annders tust, das ist unser ernstliche maynung. Geben zu Lynntz an sambstag vor dem suntag reminiscere in der vasten anno etc. lxvii^o unsers kaisertumbs im funfzehenndten jare.