Fridreich von Gots gnaden romischer kaiser zu allenn zeiten merer des reichs etc.

Ersamer geistlichen lieben andechtigen. Wir begern an ew mit sunderm und ganntzem fleis und ernst, daz ir uns funfhundert Hungrisch und ducaten guldein leihet und die dem wolgebornnen unserm lieben getrewn grave Hawgen von Werdenberg unsern rat und obristen haubtman zu unsern hannden antwurttet, wann wir der zu aushaltung und bezalung unser soldner bedurffen, und uns des nicht vertzeihet noch damit gesaumbt sein lasset, daran tut ir uns sunder gevallen und unser maynung, das wir gen ew und ewrm gotshaws gnediclich wellen erkennen. Geben zu Wienn an freitag sannd Anthonien tag anno domini etc. lxxxvii^o unsers kaisertumbs im funfundzwaintzigisten jare.