Wir Fridreich, von Gots gnaden romischer kaiser, zu allen tzeiten merer des reichs, zu Hungern, Dalmacien, Croacien etc. kunig, hertzog zu Osterreich zu Steir etc. bekennen, daz unns der ersam geistlich unnser lieber andechtiger n. der abbt zu Lambach von den nutzen und rennten unnsers ungellts daselbs zu Lambach, so er von unnsern wegen innymbt, sechzig phundt phenning zu unnsers selbs hannden ausgericht und geanntwurt hat, davon sagen wir in und sein nachkomen der berurten sechtzig phundt phenning quitt, ledig und los und im sullen die kunfftigclich in seiner raitung des berurten ungelltz gelegt und abgezogen werden angeverde. Mit urkund des briefs geben zu Wienn an freytag vor dem suntag oculi in der vasten anno domini etc. lxxxii unnsers kaisertumbs im dreyssigisten jar.

Source Fulltext: StiAL, Kopialbücher, HS 21, P. Augustin Rabensteiner OSB: Documenta monasterii Lambacensis Bd. V, ab anno 1461-1482, S. 712f, Nr. 2959