OÖLA, Kopienarchiv, HS 68, Lambacher Urkundenregesten 1459-1499, S. 597 Nr. 2983
Stiftsarchiv Lambach (www.stift-lambach.at)
Material: Papier
Reverende honorabiles religiosique patres cum oracionibus utinam Deo gratis sincerum ac benivolum animum in Domino Jesum complacendi. Vestris venerabilibus in[si]nuamus paternitatibus, quod duodecimo kalendas julii dilectus nobis in Christo religiosus frater Heinricus Engel presbiter nostri monasterii professus viam universe carnis extra monasterium in officio curie nostre in Mauttarn constitutus est ingressus, quare precibus intimis vestris caritatibus supplicamus, quatenus iuxta fedus contracte nobiscum fraternitatis eidem fratri nostro solita exequiarum suffragia impendere, necnon libris mortuorum nomen ipsius inscribere velitis, cum etiam quantum ad participium omnium suffragiorum petimus adiungi animam honorabilis viri domni Georgii Scheyhenpflueg olim plebani ecclesie nostre in Hartkirchen, qui aput nos laycalem sortitus est fraternitatem, in quo Domino Deo honorem nobisque gratissimam ostendentes complacentiam modiis et mediis nobis possibilibus remerendum. Ex monasterio nostro die solis commemorationis sancti Pauli apostoli anno Domini etc. octuagesimosecundo.
Leonardus prepositus, Stephanus decanus totusque conventus ad sanctum Nicolaum Patavie
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}