Dem erwirdign geistlichn hernn hern Johannsen abbt zw Lambach unserm gnedign hern embietn ich Lienhartt Kollman und ich Augustin Topler, bed burger zw Wells, und ich Ursula des ytzgenanttn Topler hawsfraw unser willig gehorsam dinst und lassen ewr gnad wissen, das wir dem edlnn Hannsen Reykerstorffer und seinen erbm ze kawffen habm gegebn die wisen genant der Newfanngk ze Windpossing in Wellser pfarr gelegen zwischn des Jacob Kramer er wisen und des vellds, das da berurt den Graft mit alln irn rechtn und zuegehorung, die von ewerm gnadn und gotzhaws erb ist und dienstper jerlichn mit acht und zwaintzek wienner pfening und die nun benanttn Lienharttn Chollman gleich halber tail erbleich zuegehort und ain virtail der Marthaen des Sigmunden Wahinger weilend burger ze Wells gelassn kinder, der ich obgenanter Augustin Topler gesatzter gerhaber bin mich des kaufs fur sy und ir erbn angenomen hab und dann mir benante Ursula Toplerinn auch ain virtail daran zuegehort hat, also senntten wir dieselbm wisen aller gerechtigkait, so wir yedlichs an seinem wesen daran gehabt, ewern gnadn hiemit auf in krafft des briefs mit diemuetign vleiss bittende ewr gnad welle dieselb wisen alle dem benanttn Hannsen Reykerstorffer und seinen erbn irs kawfs von uns awsgeend gnedigklich geruechen stettung ze tun und zu verleichen nach ewer gnadn gotzhaws gwonhait und rechten stet uns umb ewr gnad willig zu verdienn, so globm wir ewern gnadn nachkomen und gotzhaws fur uns und auch fur die bemeltn Martha, dafur ich benanter Augustin Topler angenomen sten und fur uns aller erbn yedlichs in seinem wesen mit unsern trewn aids weis dawider nicht einzeredn noch ze sprechen in kainerlay weis ungeverlichen. Ze urkundt des briefs verfertigt mit des erbern weisen Merttn des Aichperger, burger ze Wells aufgedrukhtn insigl, den ich benanter Lienhart Kollman an meiner stat darumbn gepetn gebrechen halben, das ich aigen gegrabms insigls nicht gehabt hab, doch im und sein erbn an schaden. So hab ich obbenanter Augustin Topler, als gerhaber angenomenlichen und auch anstat meiner benanttn hawsfrawn umb ir vleissig bete mein insigl auch auf dem brief gedrukht obverschribmer sachen war und stet ze haltn. Geben ze Wells am montag nach sand Erharten tag anno domini etc. im xiiii^c und drei und achtzigisten jaren.

Source Fulltext: StiAL, Kopialbücher, HS 21, P. Augustin Rabensteiner OSB: Documenta monasterii Lambacensis Bd. VI, ab anno 1483-1499, S. 2f, Nr. 3005