Dem erwirdigenn in got geistlichen herrn herrn Johanns, abbt zu Lambach unsern gnedigen herrn embieten ich Cristoff Preinhofer, burger zu Wells, und ich Elspet, Erhardten des Weindl doselb zu Wells hawsfraw, unnser gehorsam willig dienst zuvor. Wir fugen ewern gnaden ze wissen, das wir unserm lieben swager Lienhardten Hager, burger zu Wells, Martha seiner hawsfrawen unser lieben swester und muemen aus frundlichem guten willen uber zu und nach gegeben haben unnserm gleichen tail erblicher gerechtikait, so wir gehabt haben an der wis genant der Newfang, so zu nahst an die wisen ligt, die in den hof zu Nidernlahen gehort in Welser pfarr gelegen ist, erbrecht von ewern gnaden und dem gotshaws Lambach. Bitten wir ewr gnad mit vleis, ewr gnad well inen obenanten Newfang wis mit seiner zugehorung ungeverlich bestaten und verleihen. So das bescheen ist, globen wir fur uns und unser erben zu voran ewrn gnaden und dem benanten gotshaws in solh bestat, lehen brief und sigl yezt noch furan nit reden, dawider nichts handln noch thuen sonder das umb ewr gnad mit vleis willig gern verdienen. Zu urkund geben wir ewrn gnaden den offen brief bewart mit meinem obenanten Cristoffen Preinhofer aigen aufgedruckten insigl. So hab ich Elspet Weindlin mit vleis gebeten den erbern weisen Pangratzen Scheibl, burger zu Wells, das er an meiner stat sein insigll hie zu aufgedruckt hat, im und sein erben an schaden. Actum feria quarta post trium regum anno domini etc. lxxxx^nono

Source Fulltext: StiAL, Kopialbücher, HS 21, P. Augustin Rabensteiner OSB: Documenta monasterii Lambacensis Bd. VI, ab anno 1483-1499, S. 591, Nr. 3487