Prosper de Columna, Cardinalis-Diaconus, omnibus vere poenitentibus et confessis, qui Capellam sanctorum Vincentii et Joannis Baptistae in Puchkirchen, ad monasterium S. Michaelis Burense pertinentem, in Nativitatis, Circumcisionis, Epiphaniae, Resurrectionis, Ascensionis, Pentecostes, Trinitatis et Corporis D. N. Jesu Christi, necnon Nativitatis, Annunciationis, Conceptionis, Visitationis, Purificationis et Assumptionis B. Mariae Virginis, ac Nativitatis b. Joannis Baptistae, Apostolorum Petri et Pauli ac aliorum omnium Apostolorum, Sanctorumque Stephani, Laurentii et Georgii ac Vincentii Martyrum, atque Nicolai, Martini, Virgilii, Ruperti et Benedicti Confessorum, ac Barbarae, Dorotheae et Catherinae Virginum, Omniumque Sanctorum, Coenae et Parasceves ac ipsius Capellae dedicationis festivitatibus devote visitaverint annuatim, et ad reparationem ac conservationem aedificii, calicum, librorum et aliorum ornamentorum, quotiens cumque porrexerint manus adiutrices, pro qualibet vice et Celebritate centum dies indulgentiarum relaxat. In perpetuum.