Breve Apostolicum Innocentii Papae XII. Innocentius Papa XII. ad augendam fidelium religionem et animarum salutem omnibus Christifidelibus vere poenitentibus et confessis ac sacra Communione refectis, qui ecclesiam S. Georgii (resp. S. Aegidii) loci Lauterbach, cui ecclesiae nulla alia indulgentia reperitur concessa (sed cf. K 128), die festo eiusdem S. Georgii a primis Vesperis usque ad occasum solis diei huiusmodi singulis annis devote visitaverint et ibi pro christianorum principum concordia, haeresum extirpatione ac sanctae matris Ecclesiae exaltatione pias ad Deum preces effuderint, plenariam indulgentiam in Domino concedit. Praesentibus ad septennium tantum valituris. Si alias Christifidelibus in quocumque alio anni die dictam ecclesiam visitantibus aliquo alia indulgentia perpetuo vel ad tempus nondum elapsum duratura concessa fuerit, praesentes (literae) nullae sint.