Raimundus, Episcopus Gurcensis, Sanctissimi (divina providentia) D. N. Papae Referendarius domesticus eiusdemque et sedis Apostolicae ad Almaniam (i. e. Germaniam) Legati de latere Nuntius et Orator, precibus Joannis Riedinger, rectoris ecclesiae in Seebalhen, annuens, ut ecclesia sanctorum Jacobi et Margarethae in Seebalhen congruis frequentetur honoribus ac in suis structuris et aedificiis reparetur, necnon Christifideles eo libentius devotionis causa ad eandem confluant, auctoritate Innocentii, divina providentia Papae octavi, omnibus et singulis vere poenitentibus et confessis, dictam ecclesiam in diebus festivitatum S. Jacobi, Purificationis et Conceptionis Virginis Mariae ac Dedicationis eiusdem ecclesiae devote annuatim visitantibus et ad praemissa (aedificia et ornamenta) manus adiutrices porrigentibus, singulis festivitatum huiusmodi diebus, centum dies de iniunctis eis poenitentiis misericorditer in Domino relaxat. Praesentibus (literis) perpetuis futuris temporibus duraturis.