In nomine domini amen. Vt eontractus bone fidei ratione preuia celebrati sub stabilitate inconmutabili perseuerent, scripturarum inditiis perfectio et consumatio eorundem perpetue debent memorie conmendari. Proinde nos Pusillus grex Canonicorum et Sanctimonialium Reycherspergensis Ecclesie Profitemur et notum esse uolumus presencium inspectoribus vniuersis, quod eo tempore, Cum Reuerendus Pater et dominus noster dominus Albertus Patauiensis Ecclesie Episcopus Virum minus Discretum uidelicet Dominum Hermannum tunc Prepositum nostrum propter grauissimam et importunam Eeclesie nostre Dilapidacionem ac suorum excessuum enormitatem non modicam ab ipsa Prepositura destitueret Consilio et Sentencia Jurisperitorum nobisque precipiens, quod alium, quem Ecclesie nostre conpetentem sciremus et vtilem, in Procuratorem eligere deberemus vel Prelatum, Super quo ipsius Domini Episcopi mandato, cum plura haberemus consilia nec aliquem ex ordine nostro inuestigare possemus, qui post tantam Ruinam, quam prefatus Hermannus effecerat, Ecclesiam nostram ad pristinum statum posset aliqualiter reformare, Tandem honorabilis viri et domini nostri domini Ortolfi Archidyaconi Maticensis Honestatem, fidem et prudenciam, qua eciam priore vice Ecclesiam nostram in Casu simili grauiter laborantem releuauit, memorantes domino nostro Episcopo humiliter supplicauimus, ut ipsum nobis et Ecclesie nostre tam in spiritalibus quam in Temporalibus legittimum Procuratorem et Amministratorem constitueret per Duodecim Annos a Data presencium continue numerandos sibique de nobis et Ecclesie nostre sev de omnibus Bonis nostris et Possessionibus liberam potestatem concederet faciendi, Ordinandi jnstituendi et clericos ad nostras uacantes Ecclesias presentandi et omni auctoritate et Jurisdicione perfrui, qua verus et Confirmatus Prepositus ex Regulari constitucione vti debet generaliter et potiri, Hoc jure superaddito, quod de Temporalibus, que jure Empcionis nunc tenet et tenere debet per duodecim Annos prenotatos, de omnibus perceptis nobis nec alicui hominum Rationem facere non teneatur, quibus precibus nostris tam vtilibus quam devotis ipse dominus noster Episcopus tamquam pius Pater beniuole consenciens prefatum Dominum Ortolfum precibus et preceptis tandem ad hoc induxit difficulter, quod Curam Procuracionis nostre forrna prehabita subiit et assumpsit additis condicionibus subnotatis uidelicet, quod ipse dictus Ortolfus nunc Procurator noster et Dominus tantum ad Octo Prebendas Dominorum nobis in Conuentu Canonicorum Aministrandas et non ad plures se obligauit et astringit, quas quidem Prebendas ipse pro suo beneplacito moderare poterit et debet contradicione nostra qualibet non abstante. Prebendam etiam sev Prebendas sanctimonialium modo simili moderare potest et ipsis porrigere, sicut Discretioni sue et prouidencie videbitur decentius expedire. Preterea sibi concedimus, quod si quas possessiones nostras uel Decimas a nobis obligatas vel jure precario venditas in predictis Duodecim annis ab eis, qui eas nunc tenent, sua propria pecunia conparauerit vel exsoluet, quod etiam easdem possessiones vel Decimas cum omnibus prouentibus eorundem ad Tempora vite sue pacifice possidere debeat et quiete tali Condicione et pacto ita, quod si ipsum cum Testamento ab hac vita decedere continget dante deo, quod ex tunc Terciam Partem Pecunie, pro qua ipsas Possessiones seu Decimas conparauit nobis non obstantibus legare poterit, cui placet, Sic tamen, quod eadem Pecunia eisdem, quibus ipsam legauit, a nostra Ecclesia ex integro persoluatur. si vero, quod absit, decesserit intestatus, tunc ipsa Bona, qualiacunque fuerint, ad Ecclesiam nostram libere reuertentur, quorumlibet inpeticionibus procul motis. Insuper matura et Rationabili consideracione pensauimus. quod Redditus Ecclesie nostre Annuales ex co, quod Bona nostra et Possessiones a quam pluribns per obligaciones occupata iam tenentur, nequaquam in tanto valore se extendunt, vt per ipsos Redditus nobis in necessariis et Creditoribus nostris sufficiant ad soluendum, Et ideo ex necessitate oportet, ut ipse dominus Ortolfus Procurator noster antedictus per primos sex annos de sua propria Pecunia ad minus centum Libras Denariorum Patauiensium nobis annis singulis acomodet, vt ex hiis necessitates nostre et indigencie, ad quas Redditus nostri non sufficiunt, tanto conmodosius et vberius valeant emendari, Et ne sua caritatiua et fidelis promocio, qua nos et Ecclesiam nostram caritatiue et efficaciter promouet et promouit, per alicuius ignauiam vel jnuidiam defectum patiatur in Rebus suis, inconmodum vel iacturam, Volumus et concedimus, vt et ipse omnem pecuniam, quam pro nobis et ecclesia nostra in primis sex annis, vt predictum est, exposuit vel exponet, acomodauit vel acomodet, etiam in subsequentibus sex Annis a Redditibus nostrarum Possessionem secundum suam conscienciam sibimet recipiat integraliter et persoluat. Contigeret autem, quod infra Duodecim annos antedictos per Communia et generalia incommoda Terre scilicet per Expediciones Principum, per sterilitatem vel grandinem sev per Nobilium, qui Possessiones nostras vel Decimas iam tenent obligatas, Occupacionem violentam vel perquecunque magna et notabilia Dampna Bona nostra et Possessiones nostre deprauarentur adeo, quod Redditus debitos ac Conswetos persoluere non valerent. Hec dampna, qualia et quanta fuerint, sibi per aliquod suarum Rerum ac juris sui detrimentum volumus non nocere. Et vt omnia prescripta ex vera caritate et dilectione Religionis ac nostre Ecclesie ob Reuerenciam, vtilitatem et honorem nec non omnium nostrum pleno et coumuni ex consensu procedere videantur et procedant, Reuerendum Patrem et dominum nostrum dominum Albertum Patauiensis Ecclesie Episcopum sepedictum nec non venerabiles dominos nostros ejusdem Patauiensis Ecclesie Canonicos humiliter exorauimus et ab eis obtinuimus, quod singula prescripta, approbata et confirmata sunt ipsorum patenti appensione Sigillorum, Nichilominus nos et Ecclesiam nostram cum omnibus possessionibus nostris, Rebus mobilibus et inmobilibus Reverencia qualibet et obediencia in manus Honorabilis viri domini Ortolfi Procuratoris nostri sepefati damus et dedimus sibique in omnibus licitis et honestis tamquam vero nostro Prelato per Duodecim Annos Antescriptos obedire promittimus fideliter et parere. In quorum firmiorem omnium predictorum valorem et Robur euidencius, presentem litteram fecimus conscribi et appensione sigilli Reuerendi Patris et domini nostri domini Alberti Patauiensis Ecclesie venerabilis Episcopi nec non appensione sigilli Capituli Ecclesie Patauiensis atque Sigilli nostri Capituli firmiter fecimus et petiuimus conmuniri. Acta sunt hec Patauie Anno domini Millesimo, Trecentesimo, Tricesimo quinto in die sancti Georii Martiris.

Source Fulltext: OÖUB 6 (Wien 1972) Nr. 154, S. 160ff.