Ich Chunrat ze den zeiten Richter cze Geleinsdorf vnd mein pruder wolfgang ze indern Grueb vergehen offenleich an disem prif allen den, di in sehent oder horent lesen, daz wir verhaizzen haben fu^er Ebrlharten den Schytzer, daz dieser dem Gotshaus ze Reichersperg vnd seinen pflegern vnd iren amptmann gehorsamer hold sei, daz er di vordrang, di ze recht von dem Hof geho^ert, ierleich geb ze den zeiten, swann mann ze recht geben schol. Vberfuer er daz, so hab wir gwalt von dem Gotshaus vnd seinen pflegern vns des Hofes vnderwinden vnd da von widercheren dem gotshaus allez, daz er versezzen vnd verhabt hat. Vnd darzu zv einem vrchund geb wir in disem prief versigelt mit meinem chunrats anhangenten Insigel, Der ist geben in wienne, do ergangen waren von Christes gepurt drev czehen hundert iar, dar nach in dem vier vnd vierczgisten iar an sant veitstag.

Source Fulltext: OÖUB 6 (Wien 1972) Nr. 478, S. 482