In nomine Domini amen. Reuerendissimo in Christo patri ac domino Johanni Dei et apostolice sedis gracia episcopo Patauiensi Sighardus decanus totusque conuentus monasterii in Reychersperg canonicorum regularium ordinis sancti Augustini obedientiam condignam et ouationes in Christo deuotas. Cum propter vacationem diutinam ecclesiae pastoris solaciis destitute grauia in spiritualibus et temporalibus dispendia paciantur, censuerunt conditores canonum provida deliberatione, ut ultra tres menses vacare non debeant ecclesiae regulares. Defuncto igitur anno domini millesimo trecentesimo octuagesimo sexto die vicesima sexta mensis Junii bone memorie domini Dietmaro quondam praeposito nostri monasterii et ipsius corpore cum reuerentia tradito ecclesiastice sepulture, ne ipsam ecclesiam nostram viduitatis sue incomoda deploraret, fuit a presentibus secunda dies mensis Julii anni supradicti cum continuacione sequencium dierum concorditer assignata^a) ad eleccionem futuri praepositi celebrandam, (et) citatis ac vocatis omnibus, qui debuerunt voluerunt et potuerunt comode interesse, in loco capitulari capitulariter congregati statim nullo alio actu interveniente subito et repente spiritus sancti gracia, ut firmiter credimus, inspirati omnes nullo penitus discrepante direximus uota nostra in dominum Griffonem canonicum nostrum et professum, uirum utique providum et discretum litterarum sciencia vita et moribus merito commendandum in sacris ordinibus et etate legitima constitutum ac de legitimo matrimonio procreatum in spiritualibus et temporalibus plurimum circumspectum, et eum una voce et uno spiritu in nostrum et ecclesie nostre prefate eligimus prepositum et pastorem. Te Deum laudamus solempniter decandando dictum^b) nostrum electum in monasteris nostro intronisauimus iuxta morem et confestim eleccionem ipsam clero et populo per dominum Ulricum de Panchouen canonicum ecclesie Patauiensis fecimus publicari et prelibato domino electo presentari, qui votis nostris annuit eleccioni consenciens de se facte. Eapropter paternitati vestre humiliter voto unanimi supplicamus, quatenus electionem eandem sic solempniter et diuina inspiracione celebratam dignemini generose confirmare, ut deo auctore nobis et monasterio nostro, velud pastor ydoneus preesse valeat utiliter et prodesse, nosque et alii eius subditi sub regimine ipsius pos-simus coram deo salubriter militare. Presens nostre eleccionis decretum paternitati vestre transmittimus, quod per infrascriptum notarium publicum in formam publicam^c) redigi fecimus, nostri conuentus seu capituli sigillo roboratum ac cum subscriptione omnium inferius subscriptorum. Acta sunt hec anno domini millesimo trecentesimo octuagesimo sexto, die secunda mensis Julii, presentibus honorabilibus viris ac dominis domino Ulrico de Panchouen canonico ecclesie Patauiensis ac Ulrico rectore parrochialis ecclesie in Obernperg ad premissa vocatis specialiter et rogatis.||
Et ego Fridericus dictus Venczel clericus Patauiensis dyocesis publicus imperiali auctoritate notarius praedictis omnibus terminationi assignacioni congregacioni eleccioni publicacioni presentacioni ac aliis omnibus, dum sic agerentur et fierent, presens interfui eaque sic fieri uidi et audiui et in hanc publicam formam redegi signoque meo solito signaui rogatus in testimonium omnium premissorum.||
Ego Sighardus decanus et professus ecclesiae Reicherspergensis propria manu me subscripsi.||
Ego Hainricus Hunthoch praedicte ecclesie canonicus et professus propria manu me subscripsi.||
Ego Dietricus canonicus et professus proprla manu mea subscripsi.||
Ego Ulricus Saleder praefate ecclesie canonicus et professus propria manu me subscripsi.||
Ego Hainricus sepedicte ecclesie canonicus et professus propria manu me subscripsi.||
Ego Andreas prelibate ecclesie canonicus et professus propria manu subscripsi.||
Ego Georius prefate ecclesie canonicus et professus propria manu me subscripsi.||
Ego Liebhardus predicte ecclesie canonicus et professus propria manu me subscripsi.||
Ego Johannes predicte ecclesie canonicus et professus propria manu me subscripsi.

Source Fulltext: OÖUB 10 (Wien 1933) S. 381-383