In nomine Domini amen. Nos Chunradus divina permissione abbas monasterii in Formpach supra Enum ordinis sancti Benedicti Patauiensis diocesis subexecutor et judex subdelegatus in causis subscriptis a reuerendo in Christo patre et domino domino Georio ecclesiae Patauiensis episcopo executore et judice principali a sancta apostolica sede ad hoc singulariter dato specialiter datus et deputatus vniuersis ac singulis, ad quos praesentia peruenerint vel qui ea legerint aut legi audiverint, siue sint ecclesiastice persone siue seculares, et aliis quomodolibet, quocunque nomine censeantur, salutem in Domino eternam^a). Vestre itaque ac vestrum cuiuslibet notitie presentibus declaramus, quod nuper ad nostram veniens präsenciam venerabilis vir dominus Griffo praepositus monasterii in Reichersperig ordinis canonicorum regularium sancti Augustini suo totiusque sui conuentus nomine 1iteras commissionis certas a reuerendo in Christo patre domino Georio episcopo memorato emanatas ac ipsius sigillo rotundo de cera rubea albe cere communi impresso in pressula pergamenea pendente consignatas, in cuius quidem sigilli medio quedam ymago habitu et appartu pontificalibus induta dextram manum quasi ad benedicendum erigens in sinistra vero sceptrum baiolans sedere videbatur, in lateribus autem ipsius dextro videlicet lupus sinistro vero duo catti in clipeis intra quedam cimboria apparebant, in tergo vero eciam sigilli eiusdem sigillum parvum de cera rubea predicta faciem prout muliebrem usque pectus continens erat impressum, literae autem circumferenciales praetacti maioris sigilli erant tales vel has importantes^b) S Geory Epi Patauien, nobis in cenaclo domus nostre intra septe monasterii predicti site maiori coram honorabilibus et dicretis viris dominis Johanne dicto de Rotaw Hadmaro Aystershaimer ecclesie Patauiensis iamdicte canonicis Leonhardo rectore^c) ibidem in monasterio nostro ac Jacobo de Sobyeslaw baccalareo in artibus clerico Pragensis diocesis publico auctoritate imperiali notario ac protunc scriba nostro necnon quampluribus testibus fide dignis dominico indiccione pontificatu, vt infra patebit, die vero quarta mensis Septembris ac hora sexta reuerenter, prout dicuit et debuit, exhibuit obtulit ac presentauit, quarum tenor paulo post de verbo ad verbum plenissime describetur, nos cum debita instancia studiosius rogitando, ut ipsas literas videre legere atque mandata in ipsis contenta secundum modum et formam in ipsis habitam ac nobis directam exequi curaremus. Nos itaque crimen inobediencie semper euitare cupientes praetactas commissionis literas cum omni ea, qua decuit, reverentia de manibus dicti domini praepositi recipientes easdem sanas et integras fore per omnia comperimus ac demum ipsas de verbo ad verbum plene, prout erant, perlegimus. Ipsarum autem commissionis literarum tenor per omnia erat talis:||
||
1393 August 28, St. Georgenberg bei Passau.||
Georius Dei et apostolici sedis gracia episcopus Patauiensis venerabili in Christo nobis dilecto Chunrado abbati monasterii Formpacensis ordinis sancti Benedicti nostre diocesis salutem et sinceram in Domino caritatem. Literas sanctissimi in Christo patris et domini nostri domini Bonifacii diuina prouidencia pape noni eius vera bulla plumbea in filo canapis more Romane curie bullatas sanas et integras omnique prorsus vicio et suspicione carentes nobis per venerabilem in Christo nobis dilectum Griffonem praepositum monasterii in Reichersperig per prepositum soliti gubernari ordinis sancti Augustini dicte nostre diocesis presentates cum ea, qua decuit, reuerentia recepimus per omnia in hec verba:||
||
1392 Dezember 1, Perugia.||
Bonifacius episcopus seruus seruorum Dei venerabili fratri episcopo Patauiensi salutem et apostolicam benedictionem. Dilectorum filiorum prepositi et conuentus monasterii in Reichersperig per prepositum soliti gubernari ordinis sancti Augustini Patauiensis diocesis precibus inclinati presencium tibi auctoritate mandamus, quatenus ea, que de bonis ipsius monasterii alienata inueneris illicite et distracta, ad ius et proprietatem eiusdem legitime reuocare procures, contradictores per censuram ecclesiasticam appellatione postposita compescendo testes autem, qui fuerunt nominati, si se gratia odio vel timore subtraxerint, censura simili appellatione cessante compellas, veritatis testimonium perhibere. Datum Perusii kallendas Decembris pontificatus nostri anno quarto. Post quarum quidem literarum apostolicarum praesentionem et receptionem fuimus per eundem prepositum debita cum instancia requisiti, vt ad executionem earundem literarum apostolicarum et contentorum in ipsis procedere curaremus. Verum cum aliis arduis nostris nostreque Patauiensis ecclesie prepediti negociis executioni huiusmodi nequeamus intendere pro presenti, deuocioni vestre de et super executione ipsarum literarum apostolicarum et contentorum in eis plenarie tenore presencium comittimus vices nostras, donec eas per nostras certi tenoris literas ad nos duxerimus reuocandi, mandantes et percipientes, quatenus in facto seu negocio huiusmodi agatis et procedatis iuxta traditam seu directam in eisdem literis apostolicis nobis formam. Datum in castro nostro Montis sancti Georii iuxta Patauiam sub appensione sigilli nostri die vicesima otaua mensis Augusti anno Domini millesimo trecentesimo nonagesimo tercio.||
Quofacto dictus dominus Griffo praepositus nos ibidem iteratis vicibus rogitavit, vt sibi virtute huiusmodi iam tacte commissionis literas citationum nostras contra omnes et singulos decimarum suarum et sui monasterii illicitos occupatores et detentores et specialiter contra dominos Maximilianum beati Georii in Czober Henricum Plenkch beatri Petri apostoli in Schewer et Jacobum dictum Rösch beati Bartholomei in Newnkirchen ecclesiarum parochialium perpetuos vicarios Salczburgensis diocesis decernere et dare velimus. Cuiusquidem peticioni vt puta juri consone annuentes in hoc parte literas citacionum nostras, prout de iure debebamus et tenebamus, contra predictas personas sibi decreuimus fieri. Et per Jacobum de Sobyeslaw baccalareum in artibus et scribam nostrum suprascriptum scribi publicari ac demum sigilli nostri maioris appensione communiri mandamus terminum certum videlicet post festum sancti Galli confessoris nunc affuturi feriam sextam proximam omni semoto scrupulo dictis partibus coram nobis comparendi ducentes praefigendum.||
Tandem vero in eodem termino sic, ut dictum est, per nos prefixo videlicet die decima septima mensis Octobris hora quasi vesperorum in monasterio nostro pretacto in stubella habitacionis nostre anno Domini indictione et pontificatu supradictis presentibus honorabilibus et discretis viris dominis Vlrico preposito monasterii in Suben ordinis canonicorum regularium sancti Augustini Johanne Preller vicearchidiacono et plebano ecclesie in Obernperig protunc assessore nostro Georio rectore perpetue vicarie ecclesie parrochialis sancti Johannis baptiste in Aschpang presbiteris Georio Prachpekch et Henslino Geczenstorfer clientibus dictarum Patauiensis et Salczburgensis diocesum nec in presencia Jacobi scribe nostri ac huiusmodi cause coram nobis versantis notarii memorati discretus vir magister Berichtold rector scolarum in opido Schärdingensi procurator et procuratorio nomine honorabilium et religiosorum virorum dominorum Griffonis praepositi et conventus monasterii in Reichersperig suprascripti, de cuius mandato clarebat euidenter per acta cause huiusmodi, literam citationis nostram sigillo quodam oblongo de cera communi alba a tergo impresso consignatam, cui sigillo quedam scriptura trium linearum erat contigua in hunc modum:||
||
(1393), September 29.||
Et ego Johannes plebanus de Fäwstrycz executus sum hoc mandatum per socium meum dominum Paulinum presbyterum Salczburgensis diocesis vicesima nona die mensis Septembris, vnacum quodam instrumento publico super huiusmodi citationis executione debita confecto nobis pro tunc pro tribunali residentibus etc. exhibuit obtulit et presentavit, petens sibi non aliud solum hoc, quod iuris et iusticie fieret, a nobis exhiberi. Quas eiusmodi citationis et instrumenti literas vidimus legimus ac voce alta et intelligibili publice per dictum scribam nostrum legi fecimus. Is parum quidem citationis et instrumenti literarum tenor per omnia erat talis et primo citacionis:||
||
1393 September 4.||
In nomine Domini amen. Chunradus diuina permissione abbas monasterii Formpaczensis supra Enum ordinis sancti Benedicti Patauiensis diocesis subexecutor et iudex subdelegatus in causis subscriptis a reuerendo in Christo patre et domino domino Georio episcopo ecclesie Patauiensis executore et iudice principali a sancta apostolica sede ad hoc dato specialiter et deputatus vniuersis et singulis dominis archidiaconis decanis plebanis viceplebanis vicariis sacristis capellanis altaristis et singulariter vobis dominis sancti Johannis baptiste in Aspang in Chrumpach in Munichkirichen in Fäwstricz et in Schoenaw ecclesiarum parrochialium rectoribus aut vestras vices gerentibus nec non omnibus presbiteris tam curatis quam noncuratis per et infra Marchiam in diocesi Salczburgensi constitutis et vestrum cuilibet, ad quos presentes perueniunt, vel qui presentibus fuerint requisiti seu qui fuerit requisitus, salutem in Domino. Et mandatis nostris ymo verius apostolicis firmiter obedire literas reuerendissimi in Christo patris et domini domini Georii episcopi Patauiensis predicti ipsius maioris sigilli appensione communitas sanas et integras non viciatas nec in aliqua parte suspectas per venerabilem virum dominum Griffonem prepositum monasterii in Reichersperig ordinis canonicorum regularium sancti Augustini dicte Pataviensis diocesis nobis exhibitas et oblatas nos cum omni ea, qua decuit, reuerentia noueritis recepisse per omnia in hec verba:||
||
(Undatiert.)||
Georius Dei et apostolica sedis gracia episcopus Patauiensis venerabili nobis in Christo dilecto Chunrado abbati monasterii Formpaczensis ordinis sancti Benedicti nostre diocesis salutem et sinceram in Domino caritatem. Literas sanctissimi in Christo patris et domini nostri domini Bonifacii diuina prouidencia pape noni eius vera bulla plumbea in filo canapis more Romane curie bullatas sanas et integras omnique prorsus vicio et suspicione carentes nobis per venerabilem in Christo nobis dilectum Griffonem prepositum monasterii in Reichersperig per prepositvm soliti gubernari ordinis sancti Augustini dicte nostre diocesis presentatas cum ca, qua decuit, reuerencia recepimus per omnia in hec verba: Bonifacius etc. per omnia vt supra. Post quarum quidem literarum exhibitionem presentacionem et recepcionem dictus dominus Griffo prepositus nos cum debita instancia peciit et requisivit, vt huiusmodi mandata sic nobis per iam dictas literas directa et commissa secundum iuris et iusticiae exigenciam exequemur. Demum vero idem dominus prepositus suo suique conuentus nomine^d) animo queruloso nobis exposuit, quod nonnulle tam ecclesiastice quam seculares persone in Marchia predicta existerent, que decimas tam maiores quam minores cetera, que huiusmodi generis iura sibi et monasterio suo vero iure solui debita a quam pluribus temporum decursibus, nescitur quo animati spiritu, contra agnitam veritatem dare et persoluere contradicunt, ymo, quod plus est, ipsas sibi tamquam ipsorum proprias alliciunt et vsurpant. Quam ob rem nos studiosius rogitauit, vt sibi literam citacionis nostram vigore et auctoritate prescriptis^e), quibus fungimur, ob iuris et iusticie medelam contra huius modi occupatores illicitos et detentores daremus et, prout tenemur, decerneremus, ut causam racionabilem, quare hec faciunt et facere attemptant, coram nobis assignent et proponant. Nos vero mandatis et commissis nostrorum superiorum semper parere cupientes votisque ut puta consonis eiusdem domini prepositi, prout tenemur et de iure debemus, annuentes vobis omnibus et singulis dominis antescriptis, qui presentibus fueritis requisiti aut quis ex vobis singulariter fuerit requisitus, in virtute sancte obediencie et sub excommunicationis pena, quam in vos et vestrum quemlibet trium dierum canonica monicione paterna, si presens mandatum nostrum ymmo verius apostolicum cum omni diligencia, qua tenemini, non fueritis executi, ex nunc prout ex tunc ferimus, in hiis scriptis districte precipiendo mandamus, quatenus omnes et singulos, qui tales, ut prefertur, reperti fuerint ac per prefatum dominum prepositum aut eius procuratorem specifice nominati, cuiuscunque Status seu condicionis existant, et specialiter discretos viros dominos Maximilianum beati Georii in Czober Henricum Plenkch sancti Petri apostoli in Schewer et Jacobum dictum Rösch sancti Bartholomei in Newnkirchen ecclesiarum parrochialium perpetuos vicarios prenominate diocesis Salczburgensis personaliter inuentos in domibus habitationum aut ecclesiis ipsorum ad nostram peremptorie citetis presenciam, quos et nos presentibus citamus, vt proxima feria sexta post festum sancti Galli confessoris, si dies ipsa iuridica fuerit, alias immediate sequenti coram nobis in monasterio nostro supratacto in domo habitationis nostre legitime compareant, dicturi et allegaturi causam seu causas racionabilem aut racionabiles, quare prenominatas decimas etc. ipsi domino preposito et monasterio suo dare persoluere et deoccupare non debeant aut quo tituli seu iure ipsas detineant ac sibi vendicent et vsurpent. Fidem nobis vestre exesutionis facite per scripturam debitam et sigilli vestri impressionem ad presentes. Datum at actum in monasterio nostro sepedicto anno domini millesimo trecentesimo nonagesimo tertio indiccione prima pontificatus sanctissimi in Christo patris et domini nostri domini Bonifacii diuina prouidencia pape supradicti anno quarto die mensis Septembris in praesencia honorabilium et discretorum virorum dominorum Johannis Rotawer Hadmari Aystershaimer ecclesie Patauiensis iamdicte canonicorum Leonhardi rectoris scolarum ibidem in Formpach ac Jacobi de Sobyeslaw baccalarei in artibus et notarii publici protunc scribe nostri infrascripti, per quem presentia scribi et ob firmiorem fidem in forma publica redigi ac demum sigilli nostri majoris appensione mandamus communiri necnon in presencia testium aliorum quam plurimorum. Et ego Jacobus natus Nicolai de Sobyeslaw clericus Pragensis diocesis publicus auctoritate imperiali notarius omnibus et singulis prescriptis vnacum prenominatis testibus presens affui et specialiter mandato prefati domini abbatis executoris presencia manu mea propria conscripsi ac me hic subscribens signo et nomine meis solitis et consuetis vnacum appensione sigilli maioris ipsius domini abbatis eadem fideliter consignaui rogatus et requisitus in fidem et testimonium omnium premissorum.||
Tenor vero instrumenti citationis execute antidicti erat in hec verba:||
||
1393 September 29, Czober.||
In nomine Domini Amen. Anno natiuitatis eiusdem millesimo tricesimo nonagesimo tercio indiccione prima pontificatus sanctissimi in Christo patris et domini nostri domini Bonifacii diuina prouidencia pape noni anno quarto die vicesima nona mensis Septembris hora terciarum vel quasi in parrochiali ecclesia in Czober Salczburgensis diocesis coram me notario publico infrascripto et testibus infrascriptis personaliter propter hoc constitutis discretus vir dominus Paulus socius in Fäustrycz volens mandatum apostolicum reuerenter exequi cancellos in ipsius ecclesia in Czober ascendit et dominum Maximliianum perpetuum vicarium ipsius ecclesiae citauit ad presenciam venerabilis presbyteris domini Chunradi abbatis monasterii in Formpach ordinis sancti Benedicti Patauiensis diocesis ad proximam feriam sextam post festum sancti Galli proxime nunc venturi querelis venerabilis presbyteris domini Griffonis prepositi et religiosorum virorum capituli monasterii in Reichersperig canonicorum regularium sancti Augustini dicte Patauiensis diocesis responsurus sub penis in dictis literis citacionis habitis, quarum principium et finem duxi inferius conscribendum, plenius continetur. Presentibus prouidis et discretis viris domino Petro de Paden ordinis sancti Augustini et domino Martino socio ibidem in Czober et quam pluribus aliis fide dignis.||
Deinde eadem die mox et in continenti predictus dominus Paulus pro executione vlteriori facienda venit in Schewer dicte Salczburgensis diocesis et dominum Heinricum perpetuum vicarium ibidem ante dotem personaliter apprehensum eodem modo et forma quibus supra citavit ad terminum memoratum presentibus circumspectis et providis viris Andrea Sutore et Martino dicto Fukcho. Post hoc mox et in continenti eadem die idem dominus Paulus volens per omnia mandata sibi directum debite exequi venit in Newnkirchen predicte Salczburgensis diocesis pro citando dominum Jacobum Räsch, quem tamen personaliter non inuenit sed in presencia magne multitudinis hominum in dote seu domo sua citauit ad praescriptum terminum. Erat autem tenor dicte citacionis quoad principium talis:||
||
1393 September 4, Formbach.||
In nomine Domini Amen. Chunradus diuina permissione abbas monasterii Formpaczensis supra Enum ordinis sancti Benedicti Patauiensis diocesis subexecutor et iudex subdelegatus in causis subter scriptis a reuerendo in Christo patre et domino domino Georio episcopo et iudice principali a sancta apostolica sede ad hoc dato specialiter deputatus, finis vero talis: datum et actum in monasterio nostro sepedicto anno Domini MCCCLXXXXIII° indictione prima pontificatus sanctissimi in Christo patris et domini nostri Bonifacii diuina prouidencia pape supradicti anno quarto die quarto mensis Septembris in presencia honorabilium et discretorum virorum dominorum Johannis Rotawer, Hadmari Aystershaimer ecclesie Patauiensis iam dicte canonicorum Leonhardi rectoris scolarum ibidem in Formpach ac Jacobi de Sobyeslaw bacallarei in artibus et notarii publici protunc scribe nostri infrascripti, per quem presencia scribi et ob firmiorem fidei in formam publicam redigi ac demum sigilli nostri maioris appensione mandamus communiri nec non in presencia testium aliorum quam plurimorum. Et ego Johannes quondam Gerhardi de Seburg clericus Warmiensis diocesis publicus imperiali auctoritate notarius, quia predictis actibus et citacionibus, dum sic ut premittitur fierent, vnacum prenominatis testibus in quolibet actu nominatis presens interfui eaque sic fieri vidi et audivi, idcirco hoc presens publicum instrumentum exinde confeci signoque meo solito et consueto signaui et in hoc publicam formam redegi rogatus et requisitus in fidem et testimonium omnium premissorum.||
Quibus literis citationis videlicet et instrumenti sic lectis et promulgatis discreti viri domini Maximilianus Henricus et Jacobus Räsch presbyteri, vt dictum est, per nos citati se prout veros obediencie filios coram nobis in termino ipsis prefixo tamquam iudice etc. comparere protestati sunt et proclamauerunt ibique immediate non compulsi nec coacti nec aliquibus dolo vel fraude circumuenti omnes et singuli paribus animis et votis nobis et assessori nostro ac omnibus ibi considentibus intime supplicarunt, vt ipsos cum dicto domino Griffone preposito gratiosius concordaremus et componemus, asserentes et vicissime affirmantes, se eidem domino Griffoni et monasterio suo ob non persolucionem et occupationem ipsarum decimarum tam maiorum quam minorum, pro quibus presentis litera ipsis monet, fieri et esse a quampluribus annis obnoxios et debitores sed nunc paupertate affecti per maxima debita huiusmodi, vnde persolverent, vere non haberent. Nos vero audita et percepta ob eis huiusmodi fassione et recognitione peticionibus ipsorum sine intermissione nos impulsancium benigne inclinati nolentes, ne lis et causa, que modo facili sopiri potest, dispendio futili proteletur, pretactum dominum Griffonem vnacum ceteris dominis nobis protunc considentibus sincere petiuimus, vt ob precum nostrarum respectu cum eisdem et eorum quolibet paupertati ipsorum condolens pure propter Deum ageret pro debitis et aliis iuribus, ratione quarum lis et causa presentes coram nobis ventilantur, ac cum ipsis dominis disponeret gratioso. Qui dominus prepositus non aliud sed solum decimas suas et debita ipsarum a tot annis, a quibus ab ipso et antecessoribus ipsius conuentas retinuerunt occupauerunt et vsi fuerunt, sibi dari et solui iudicialiter exposcebat, demum vero hiidem prebyteri et eorum quilibet maturo consilio et sana deliberatione prehabiti voluntati ipsius domini prepositi et ad graciam ipsius se in toto submiserunt ac hoc verba in quadam papirea cedula conscripta omnes et singuli presbiteri vocibus legerunt et protulerunt:||
||
(1393 Oktober 17, Formbach.)||
Coram vobis domino iudice ac ex nunc in figura iudicii vestri nec non in presencia omnium et singulorum hominum existentium omni absque dolo fatemur et presentibus recognoscimus, quod omnes et singulas decimas etc. nostras vicarias existentes, pro quibus nos hic venerabilis in Christo pater dominus Griffo prepositus suo et monasterii sui in Reichersperig nomine in causam et litem prasentes traxit, nullo iure nobis vmquam competente a pluribus temporibus detinuimus et occupauimus. Nam ille decime seu ipsarum pars aliqua numquam nec ad nos seu predecessores nostros nec ad perpetuas vicarias nostras aliquo modo vel iure pertinuit atque pertinuerunt sed in quacumque gratia et fauore benigno cuiusquam ipsius monasterii in Reichersperig prepositorum aliquis nostrum frui valuit et potiri, ipsas decimas aut ipsarum aliquam non aliter sed solum ad certa tempora pro debita pecuniae summa conuentas et appeciatas^f) vsus est et possedit. Termino vero huiusmodi locacionis et conuencionis adueniente eadem decima prout ante ipsis domino preposito et monasterio mox fuit libera et soluta. Que omnia ex quo malorum suadente consilio temerarie hucusque non tenuimus neque eciam, velud de iure debuimus, explenimus. Ideo in hiis ac aliis omnibus predictis vobis venerabili in Christo et Domino nostro domino Griffoni preposito et monasterio vestro, quorum perpetui capellani et oratores, prout et predecessores nostri fuerunt, existimus, nos ob id plene in toto humilime submittimus rogitantes hic coram domino iudice etc., vt nobiscum de et super omnibus decimis et debitis ipsarum ac omnibus aliis et singulis iam per nos confessis et recognitis disponatis fauorosius et agatis.||
Qui dominus Griffo ob precium nostrarum diligentem instantiam ac eorundem suorum vicariorum humilimam submissionem et ipsos vicarios quemlibet animo respexit gratuito ac decimas predictas vniuersas vnacum debitis et retentis ipsorum nostre committens taxacioni ipsos ab liti et causis atque expensis et impensis in eisdem quomodolibet factis reddidit liberos et solutos, sed primum in suo suique monasterii nomine nos petiit, vt sibi omnia et singula prescripta sic per ipsos vicarios et eorum quemlibet libere confessa et recognita per nostram iudiciariam pronunciacionem et decretum singulariter fieri et expleri auctoritate nostra iudiciaria, qua fungebamur, perpetuo mandaremus decerneremus et declararemus ac sibi et suo monasterio literas nostras certas super huiusmodi declaratione et decretis daremus et exhiberemus. Quod ipsum et prenominati domini vicarii per nos fieri pecierunt. Nos vero in quantum amplius valuimus auctoritate fulti prescripta vota et peticiones ipsorum explere cupientes pro tribunali sendentes in Christo nomine pronunciauimus decreuimus et declaravimus ac presentibus pronunciamus decernimus et declaramus pretactas decimas etc., occasione quarum lis et causa inter ipsas partes coram nobis versabantur, predictos presbyteros seu perpetuos vicarios ac successores eorundem dicto domino Griffoni et eius monasterio in Reichersperig pretactis fore perpetuo resignandas nec amplius quouis ausu seu alia qualibet temeraria praesumpcione occupandas atque eciam ipsi domino Griffoni et suo monasterio in exposicione locacione et sublacione earundem secundum velle^g) ipsorum, prout ab antiquo solitum est et consuetum, nullum preiudicium seu aliud quodcumque derogamen remisceri et generari. Id ipsum eciam et hiidem presbyteri seu vicarii suo suorumque vniuersorum successorum nomine iuraverunt^h) perpetuo omni absque innouacione explere nec non ipsas pronunciacionem decrecionem et declaracionem vt premissum per nos factam ratam gratam atque firmam perpetuis temporibus infallibiliter obseruare.||
Ibidemque eciam dictus dominus Griffo prepositus nomine quo supra discretum virum dominum Georium perpetuum vicarium ecclesie parrochiali sancti Johannis baptiste in Aspang supradicte Salczburgensis diocesis protunc personaliter assistentem super decimis quibusdam et retentis ipsarum seriose requisiuit, qui immediate animo libero respondit:||
Venerabilis pater, fateor et veracissime recognosco vestras et monasterii vestri decimas me ex vestra benigna fauctioneⁱ⁾ tenere et occupare. Quando vero libet, de eisdem, prout placet, disponatis, quia numquam ad me vel meam vicariam perpetuam aliquo iure sed ad vos et monasterium perpetuo pertinuerunt et nunc pertinere dinoscuntur.||
Quibus sic pactis prenominatus dominus prepositus nomine quo supra ob firmius robur conposicionis et recognicionis predictorum nobis supplicavit, vt sibi omnia et singula sic coram nobis aeta et gesta conscripta ac per Jacobum scribam nostrum predictum in formam publicam redacta nec non sigillorum nostri primum maioris demum vero dominorum Vlrici prepositi monasterii in Suben Johannis Preller plebani in Obernperig et assessoris nostri testium omnium premissorum iam dictorum fideliter communita daremus et exhiberemus, cuius peticioni vtpote racionabili consencientes hec, prout petita per ipsum erat, explenimus studiose. Acta et gesta sunt hec anno Domini indiccione pontificatu die mense horis loco ac presentibus quibus supra.||
Et ego Jacobus natus Nicolai de Sobyeslaw clericus Pragensis diocesis publicus auctoritate imperiali notarius scriba dicti venerabilis in Christo patris domini Chunradi abbatis monasterii in Formpach et notarius cause suprascripte coram eodem vertentis prescriptis omnibus et singulis vnacum prenominatis testibus presens interfui eaque sic fieri vidi et audiui atque ex mandato prefati domini mei abbatis iudicis necnon ex requisicione singulari precium pretactarum presencia manu mea propria conscripsi et in hanc publicam formam redegi signo quoque et nomine meis solitis et consuetis vnacum appensione sigillorum domini Chunradi abbatis et iudicis Vlrici prepositi in Suben ordinis canonicorum regularium sancti Augustini et Johannis Preller plebani ecclesie in Obernperig et dicti domini abbatis et iudicis protunc assessoris testium fide dignorum omnium et singulorum suprascriptorum presencia fidelissima consignaui rogatus et requisitus in fidem et testimonium et plenioris et certioris roboris perpetuitatem omnium prescriptorum.

Source Fulltext: OÖUB 11 (Wien 1983) S.209-222