Ich Alber von Chu°nring vergich vnd offen an disem brief, daz ich durch meiner lieben Hausfrawen vrawn agnesen sel willen vnd auch durch meiner sel hail vnd vnsrer vodern die aigenschaft, die do leit auf dem akcher der do leit bey sand florian enhalb der ypff an dem Perig vnd weilent Hainreich der Seydein von mir ze lehen het, ze einem selgera^et gegeben han dem Gotshaus datz sand Florian also, daz derselb akcher zu der Chamer besunderleich geho^ern schol mit allem nutzz ewichleichen. vnd dar v^eber ze einem vrchunde gib ich dem vorgenanten Gotshaus vnd besunder herren Hainreichen dem Piber dez selben Gotshaus Chamrer vnd allen seinen nachchomen an dem ampt disen brief besta^etiget mit meinem Insigel. Der brief ist geben an dem Mitichen nach sand Gyligen tag Nach gotesgepurd v^eber dreutzehen hundert iar, darnach in dem neuntzehen ten iar.

Source Fulltext: OÖUB 5 (Wien 1868) S. 247, Nr. 254