Ich Hertneid von Havnsperch vnd Ulreich vnd Andre mein su^en vnd ich Heinreich der Eppelhauser vnd mein hausvrav Anna vnd ich Ulreich ir prueder vnd mein swester Elspet wir vergehen vnuerschaidenleich und tuen chunt, daz wir verchauft haben dem ersamen gotshaus dacz sand Florian ein mu^el pei der Chrems, ein leben dacz Reychpoltswinchel vnd ein hofstat da selben, die allev drev aindlef schilling geltz sind, an hantdienst, mit alli dev, vnd dar zue gebort, di vnser vreyz aygen gewesen sind, vmb ein guet, des wir gancz vnd gar verricht vnd gewert sein. Wer aber yemant vnd er allen vnsern erben, der nach den vorgeschribenn aygen sprechen wolt, der schol dem oftgenanten gotshaus geben achczig pfunt wienner pfenning newer munzz an sand Jacobs tag vnd di vorgenanten aygen da mit ledigen fur einen rechten lants sacz. Daz disew wandlung des vorgeschriben chaufs vnd des saczs also stet vnd vnuerchert beleih ewichleichen, dar vber geben wir disen brief versigelten mit vnser aller anhangunden jnsigeln, der sach sind auch gezeug mit ir jnsigeln Heinreich der Chersperger, Wolfharts svn vnd Heinreich der Chersperger Wilhalms svn, Fridreich der alt Tungozzinger von Lincz vnd Fridreich sein svn, dar zü haben wir gepeten den ersamen herren hern Heinreichen von Volchenstorf, daz der auch sein jnsigel ze bezeugnuss dar an gehangen hat, wand di vorgeschriben aygen in seinem Lantgericht gelegen sind. Der brief ist geben nach christs gepürd vber dreuzehen hundert jar, dar nach in dem acht vnd vierzigisten jar am suntag ze Mitter vasten Letare.

Source Fulltext: OÖUB 7 (Wien 1876) S. 51f., Nr. 55