Nos Weygandus divina miseracione prepositus monasterii sancti Floriani tenore presentium constare volumus ipsarum inspectoribus universis, quod diligenti deliberatione cogitare cepimus qualiter more predecessorum nostrorum pro conmuni bono et consolatione fratrum nostrorum aliquid sine prejudicio tamen successorum faceremus per quod cultus divinus augeri et nostre negligentie quas per nimiam occupationem temporalium conmisimus relaxari viderentur. Tandem babito consilio fratrum nostrorum Friderici videlicet nostri decani et totius conventus ipsorumque voluntate et consensu obtentis concorditer statuendo ordinamus, ut molendinum superius situm juxta Trunam in oppido S. Martini cujus jus infeodationis ad nos pertinet et libere ad nos per mortem Modii (sic) senioris nostri quondam officialis devolutum esse dinoscitur, deinceps pleno jure sub postestate et provisione celerarii coquine collocatum perseveret, de quo quia annuatim tria talenta denariorum wiennensium pro servicio porriguntur, hanc adjecimus condicionem ut idem celerarius noster qui pro tempore fuerit annis singulis in die sancti Aehacii de mance in prandio et de sero in cena similiter amministret sev amministrare faciat cuilibet dominorum ex conventu unam canulam vini unum pullum unam simulam. Infra sacerdotium autem constitutis ut puta dyaconis subdyaconis et barbatis qualibet vice mediain canulam vini unum pullum unam simulam, acolitis vero et aliis domicellis ordinis una vice tantum mediam canulam vini unum pullum unam simulam, pro quibus eodem die sollempnizari volumus a conventu et cantari ut in majoribus festis est conswetum. Sequenti vero die hoc est in vigilia Jobannis baptiste in mane vigilia et circa horam terciam missam (sic) defunctorum per conventum decantentur et eodem die celerarius iterum cuilibet dominorum unam canulam vini unum ferculum piscium unam simulam ministrabit et sic ex tota consolacione cuilibet dominorum cedunt tres canule vini duo pulli tres simule unum fereculum piscium, sed decano superadat (sic) unam canulam vini unum pullum unam simulam ita, quod quelibet canula vaJeat (quatuor) iiii. denarios duo pulli tres denarios ferculum piscium tres denarios simula unum denarium monete usualis. Hujusmodi autem valorem non ideo posuimus ut denarii ministrentur, sed ut ea integritate et bonitate ministrentur prout fralerne dilectionis affectus disposuit et ut ministri sine murmure sciant et possint efficacius deservire. Preterea ordinantes staluimus, ut in die sancti Johannis baptiste triginta missarum in altari sancti Achacij in nostro capitulo incipiantur et ibidem sine intermissione finiantur ita, quod transeat secundum ordinem aliarum missarum et quilibet legens eandem missam eodem die pro consolacione offertoriali sex percipiet denariorum. Interim etiam celerarius per capellanum nostrum hic in villa capelle sancti Johannis si fuerit, sin autem per alium quemcumque triginta missarum sine intermissione legendum procurabit pro quibus medium talentum denariorum tenebitur ministrare. Ut autem hec nostre ordinacionis institutio in futurum perseveret, hanc inde paginam scribi fecimus et sigillorum nostrorum appensione muniri. Datum anno domini millesimo CCC. (trecentesimo) septuagesimo secundo, dominica Letare.

Source Fulltext: OÖUB 8 (Wien 1883) S. 576ff., Nr. 575