ICH Liebhart der Hu^erbmpechk und ich Elspet sein hausvraw und mit uns all unser erben wier verjechen, daz wier haben ze chaufen gegeben ain gu^et genant dacz der Rinn gelegen in Chreuczer pharr, daz unser vreyz aygen gebesen ist und do man uns all jar ja^erleich von gedient hat fumfthalben schilling wynner phening an unser vraun tag als si geparn ist und ain weinachterung, Fridreichen dem Verigen zu den selben zeiten purger dacz Grein und seiner hausvrawn Margreten und allen ieren erben umb ain gelt des wier von in gancz und gar gericht und gewert sein .... Daz di red also stet und unzebrochen beleib, daruber gib ich obgenanter Liebhart der Hurbmpechk den offen prief besigelt mit meinem anhangunden insigel. der sach sind auch gezeug di erbern Albrecht der Oder zu den zeiten lantrichter in dem Machlant und Leutold der Stainreutter und Hans der Stainer zu den zeiten purkgraff dacz Chlingenwerch mit ier dreyer anhangunden insigel. Der prief ist geben noch Christi gepu^erd dreuzechen hundert in dem dreu und sibenczkisten jar an sand Maria Magdalen tag.

Source Fulltext: OÖUB 8 (Wien 1883) S. 654, Nr. 654