Wir abpt Ott vnd der gancz Conent (!) dez chlo^ester zu^e dem Hohenfu^ert vnd alle vnser nacho^emen veriehen vnd tu^en chu^ond offenbar mit dem prieff allen den di^e in sehent ho^erent oder lesent daz wir recht vnd redleichen mit gesampter hant verchaufft haben vnsern weingarten der gelegen ist dacz pu^echel vnd der haizzet der halb schilt vnd da man aller ierleichen von raicht zu pu^erch rechtt an sand Michelstag dem Erbern mann Dietreich dem Richter von Ybss oder sein Erben vier vnd zwainczig phenning vnd ain phunt wachs zu vnser vrawen chirchen dacz Wachaw^e dem Erbern mann Mertel dem Newpecken purger dacz der weizzen chirchen in der Wachaw^e vnd seiner hausvrawn Angles (!) vnd allen ir paider Erben vmb ain gelt dez wir gancz vnd gar zu^e rechten ta^egen gericht vnd gewert sein an allen schaden, wir haben in auch den vorgenanten weingarten verkaufft mit allem dem daz dar zu^e geho^ert versu^echt vnd vnuersu^echt vnd haben in den geantwu^ert auz vnser nu^ecz vnd gewer in ir nu^ecz vnd in ir gewer mit allen den nu^eczen ern rechten vnd diensten. di da von cho^emen mu^eghen. Wir haben in auch den eegenanten weingarten richtig gemacht vnd auff gegeben mit pergherren hant alz gewohnhait vnd si^ett ist in der wochaw^e, also mit auz genomener red daz si fu^erbaz da mit schaffen schullen allen iren fru^em mit versetzzen vnd mit verchauffen, wem si verlu^est, alz mit anderm irem aygenhafften gu^et mit vnserm gu^etleichem willen vnd schu^ell wir sew^e daran nichtez irren weder mit recht noch a^on recht. wir sein auch des eegenanten chauffs auff dem eegenanten weingarten ir gewer vnd Fu^erstan (!) alz pu^orchrecht recht hat, in der wochaw^e, wer aber daz in an der gewerschafft icht abgieng, das schu^ellen si haben dacz vns vnd auff vnsers gotzhaus hab versu^echt vnd vnuersu^echt. daz dem vorgenantem Mertlein dem Newpecken vnd allen sein Erben dy red also stett vnd vnczeprochen bleib, dar v^eber so geben wir obgenanter abt Ott ze der zeit des chlosters zu Hohenfu^ert vnd mit sampt vns daz gancz Conent da selben in den offen prieff versigelt mit vnsern anhangunden Ingseln (sic!), der prieff ist gegeben nach Christi gepu^erd vber drew czehen hundert iar da nach in dem sechs vnd sybenczigesten Jar an vnser vrawentag zu^o der Liechtmess.

Source Fulltext: OÖUB 9 (Wien 1906) S. 13-14