Bonifacius²⁾ episcopus seruus seruorum Dei. Dilecto filio abbati monasterii in Pawngartenberge Patauiensis diocesis salutem et apostolicam benedictionem. Apostolice sedis circumspecta benignitas desideria iusta petentium congruo fauore prosequitur et uotis eorum, que a rationis tramite non discordant, libenter se propiciam exhibet et benignam.||
Dudum siquidem pro parte dilectorum filiorum prepositi et conventus monasterii sancti Floriani de sancto Floriano, per prepositum soliti gubernari, ordinis sancti Augustini Patauiensis diocesis nobis exposito, quod licet olim in Veklapruk cum hospitali pauperum sibi annexo et in Ryed et in Waldchirchen Patauiensis diocesis parrochiales ecclesie, que de iure patronatus eiusdem monasterii existebant prout existunt, prefato monasterio ex certis racionabilibus causis auctoritate ordinaria incorporate forent, tamen incorporaciones ipse siue per ipsorum prepositi et conuentus siue per aliqaorum predecessorum suorum in eodem monasterio negligenciam seu alias interrupte dicebantur ipsique prepositus et conuentus dubitabant incorporationes ipsas ex certis causis iuribus non subsistere, ac pro parte eorundem prepositi et conuentus nobis humiliter supplicato, ut easdem ecclesias predicto monasterio de nouo annectere unire et incorporare de speciali gracia dignaremur, nos prefatis preposito et conventui, ut incumbentia eis onera magis accomode supportare possent, de alicuius subuencionis auxilio prouidere uolentes prefatas ecclesias cum omnibus iuribus et pertinenciis suis eidem monasterio auctoritate apostolica imperpetuum incorporauimus annexuimus et uniuimus ita, quod²⁾ ced [entibus ve]l^a)1) decedentibus²⁾ predictarum ecclesiarum rectoribus uel alias ecclesias ipsas quomodolibet dimittentibus liceret dictis preposito et conventui corporalem possessionem earundem ecclesiarum libere apprehendere et retinere omnesque fructus redditus et prouentus ecclesiarum predictarum in supportacionem on[erum huiusmodi]^a) et in usus eorum convertere diocesani loci et cuiuslibet alterius licencia super hoc inime requisita, ita tamen, quod diuinus cultus in eisdem ecclesiis propterea non minueretur quodque iidem prepositus et conuentus ecclesias ipsas et curam animarum parrochianorum earundem per ydoneos canon[icos eiusde]m^a) monasterii ad solum nutum prepositi pro tempore dicti monasterii ponendos et canonicos ipsos ad claustrum eiusdem monasterii reuocandos et alias amouendos regi facere ac episcopalia iura soluere et alia onera rectoribus pro tempore ipsarum ecclesiarum et earundem ecclesiarum occasione incumben[tia in]^a) omnibus tenerentur supportare.||
Et deinde pro parte dictorum prepositi et conuentus nobis significato, quod dilecti filii Nicolaus in Veklapruk cum hospitali huiusmodi et Martinus in Ryed ac Crisogonus in Waldchirchen ecclesiarum predictarum rectores ex certis racionabilibus causis et ad finem ut uniones annexiones et incorporaciones huiusmodi celerius et efficacius sortirentur effectum, quilibet uidelicet eorum sua ex ecclesiis predictis, quam obtinebat prout obtinet, ea tamen condicione, quod singulis rectoribus eisdem de fructibus redditibus et prouentibus predicti monasterii singulas congruas porciones, de quibus, quoad uiuerent, ualerent congrue sustentari, per dictos prepositum et conuentum assignarentur, libere ac sponte cedere proponebant, nos eisdem preposito et conventui cessiones huiusmodi a prefatis rectoribus uel procuratoribus suis ad hoc ab eis specialiter constitutis, si illas in ipsorum prepositi et conuentus manibus libere ac sponte facere uellent, auctoritate predicta recipiendi et admittendi ac alia circa premissa necessaria faciendi ipsisque cessionibus sic receptis et admissis ac singulis congruis porcionibus huiusmodi de fructibus redditibus et prouentibus predictis singulis ex rectoribus prefatis, de quibus, ut prefertur, quoad uiuerent, ualerent congrue sustentari, per ipsos prepositum et conventum assignatis corporalem earundem ecclesiarum possessionem libere apprehendendi ac licite retinendi omnesque fructus ecclesiarum predictarum in supportacionem onerum huiusmodi et usus eorum conuertendi cuiuscunque licencia super hoc minime requisita plenam et liberam concessimus eadem auctitoritate facultatem, prout in diuersis nostris inde confectis litteris plenius continetur.||
Cum itaque prefati rectores ecclesias eorum huiusmodi ad id dictorum prepositi et conuentus accedente consensu cum dilectis filiis Johanne de Senging in Wudesdorf^b) et Wenceslao Thyem in Lasperg ac Stephano de Enczesdorf in Oczpach dicte diocesis parrochialium ecclesiarum rectoribus, Nicolaus uidelicet in Veklapruk cum hospitali huiusmodi et Johannes in Wuldesdorf ac Martinus in Ryed et Wenceslaus in^c) Lasperg necnon Crisogonus in Waldchirichen et Stephanus, predicti, in Oczpach, ecclesias huiusmodi, quas obtinent, desiderent, sicut asserunt, ex certis racionabilibus causis inuicem permutare, nos uotis eorundem Nicolai et Johannis necnon Martini et Wenceslai ac Crisogoni et Stephani in hac parte fauorabiliter annuentes discrecioni tue per apostolica scripta mandamus, quatenus ab eisdem Nicolao et Johanne necnon Martino et Wenceslao ac Crisogono et Stephano uel precuratoribus eorum ad hoc ab eis specialiter constitutis resignaciones dictarum ecclesiarum, si eas libere et sponte facere uoluerint¹⁾, auctoritate nostra hac uice recipias et admittas eisque per te receptis et admissis Nicolao in Wuldsdorf, cuius vigintiquinque, et Johanni in Veklapruk cum hospitali huiusmodi, cuius eciam vigintiquinque, ac Martino in Lasperg, cuius viginti, et Wenceslao in Ryed, cuius eciam viginti, necnon Crisogono in Oczpach, cuius etiam viginti, et Stephano, predictis, in Waldchirichen ecclesias prefatas, cuius²⁾ eciam viginti marcharum argenti fructus redditus et prouentus secundum communem estimationem^d) ualorem annuum, ut asseritur, non excedunt, cum per huiusmodi resignaciones uacauerint, — eciam si quelibet uel aliqua ecclesiarum predictarum actu premisso uel alio quouis modo aut ex alterius cuiuscunque persona seu per assecucionem alterius beneficii ecclesiastici quacumque auctoritate collati seu alias per liberam resignacionem in Romanam curiam uel extra eam eciam coram notario publico et testibus sponte factam uel per constitucionem felicis recordacionis Johannis pape XXII predecessoris nostri, que incipit Execrabilis³⁾, uacet, et eciam si tanto tempore uacauerit, quod eius collacio iuxta Lateranensis statuta concilii ad sedem apostolicam legitime deuoluta⁴⁾, aut quelibet ecclesiarum predictarum uel earum aliqua ex eo generaliter, quod sedes predicta alicui illam tunc obtinenti de alio beneficio ecclesiastico uacante uel uacaturo prouiderit aut mandauerit seu concedi prouiderit et uoluerit, quod ipse obtinens quamprimum huiusmodi beneficium foret pacifice assecutus dictam ecclesiam, quam ex[inde]e) sedes ipsa [vaca]re^f) decreuisset, uel alias ex voluntate dicte sedis in quemcunque euentum dimittere teneretur, uel alias specialiter disposicioni apostolice reseruata existant, et super ipsis uel earum aliqua lis, cuius statum presentibus haberi uolumus pro expresso, in palacio apostolico uel alibi pendeat indecisa, et quilibet Nicolai Johannis Martini Wenceslai Crisogoni et Stephani predictorum uel eorum aliquis aut persona huiusmodi sedis predicte capellanus notarius nuncius uel alias officialis aut fructuum et prouentuum camere apostolice debitorum collector uel succollector seu eiusdem sedis uel alicuius aut aliquorum ex venerabilibus fratribus nostris sancte Romane ecclesie cardinalibus familiaris fuerit, uel damnate memorie Roberto olim basilice duodecim Apostolorum presbitero cardinali tunc antipape, qui se Clementem VII ausu sacrilego nominabat, uel aliis per processus apostolicos condemnatis adheserit seu apud dictam sedem decesserit, — cum omnibus iuribus et pertinenciis suis auctoritate nostra conferas et assignes, inducens per te uel alium seu alios Nicolaum in Wuldesdorf et Johannem in Veklapruk cum hospitali huiusmodi ac Martinum in Lasperg et Wenceslaum in Ryed necnon Crisogonum in Oczpach et Stephanum, prefatos uel procuratores suos ipsorum nominibus, in Waldchirichen, ecclesiarum iuriumque et pertinenciarum predictarum corporalem possesionem et defendens inductos a motis quibuslibet detentoribus ab eisdem ac faciens Nicolao de in Wuldesdorf et Johanni de in Veklapruk cum hospitali huiusmodi ac Martino de in Lasperg et Wenceslao de in Ryd necnon Crisogonio de in Oczpach et Stephano, prefatis, de in Waldchirichen, ecclesiarum predictarum fructibus redditibus prouentibus iuribus et obuencionibus uniuersis integre responderi, contradictores auctoritate nostra appellacione postposita compescendo; non obstantibus tam pie memorie Bonifacii pape VIII predecessoris nostri quam aliis constitutionibus apostolicis contrariis quibuscunque, seu si aliqui super prouisionibus sibi faciendis de huiusmodi uel aliis beneficiis ecclesiasticis in illis partibus speciales uel generales dicte sedis uel legatorum eius litteras impetrarint, eciam si per eas ad inhibicionem reseruacionem et decretum uel alias quomodolibet sit processum, quibus Omnibus Nicolaum in Wuldesdorf et Johannem in Veklapruk cum hospitali huiusmodi ac Martinum in Lasperg et Wenceslaum in Ryed necnon Crisogonum in Oczpach et Stephanum, prefatos, in Waldchirichen, ecclesiarum predictarum assecutione uolumus anteferri, sed nullum per hoc eis quoad assecutionem beneficiorum aliorum preiudicium generari, aut si venerabili fratri nostro episcopo Patauiensi uel quibusuis aliis communiter uel diuisim a prefata sit sede indultum, quod ad receptionem uel prouisionem alicuius minime teneantur et ad id compelli aut quod interdici suspendi uel excommunicari non possint, quodque de huiusmodi uel aliis beneficiis ecclesiasticis ad eorum collacionem prouisionem presentacionem seu quamuis aliam disposicionem coniunctim uel separatim spectantibus nulli valeat prouideri per literas apostolicas non facientes plenam et expressam ac de uerbo ad uerbum de indulto huiusmodi mencionem et qualibet alia dicte sedis indulgencia generali uel speciali, cuiuscunque tenoris existat, per quam presentibus non expressam uel totaliter non insertam effectus earum impediri ualeat quomodolibet uel differi et de qua cuiusque toto tenore habenda sit in nostris litteris mencio specialis¹⁾, seu quod Nicolaus, ut asseritur, in Ardacensi dicte diocesis, cuius quinque, et Johannes canonicam in Patauiensi cum decanatu, qui dignitas curata existit, et in Wratislauiensi ac in Ratisponensi ecclesiis canonicatus et prebendas ac parrochialem ecclesiam in Nelib et altare sancti Johannis situm in parrochiali ecclesia in Stayn predicte Patauiensis et Aquilegensis diocesis ac capellam sancti Johannis sitam in curia archiepiscopali Salzeburgensi, que quidem ailtare et capella sine cura sunt, ac Wenceslaus, prefati, capellam eciam sine cura sancte Anne sitam in cimiterio parrochialis ecclesie in Lincz, cuius^g) octo^g) obtinent, et dudum Johanni de capella eciam sine cura sancti Johannis in Inderburg Patauiensis, cuius ac dictorum Patauiensis ecclesie cum decanatu et Wratislauiensis ac Ratisponensis canonicatuum et prebendarum ac ecclesie in Nelib et altaris ac capelle sancti Johannis in curia archiepiscopali ducentarum^g) et sexaginta^g), tunc certa modo uacante auctoritate apostolica fuit prouisum, et quod nuper idem Johannes auctoritate quarundam litterarum nostrarum, per quas sibi de maioris et sancti Petri Wissegradensis Pragensis ac Olomucensis canonicatibus sub exspectationibus praebendarum necnon dignitatis personatus uel officii^g) cum cura vel^g) sine cura alicuius earundem cum prerogatiua antellacionis duximus prouidendum, maioris et Olomucensis predictarum canonicatus et prebendas tunc certis modis uacantibus, quorum quadraginta, infra tempus legitimum acceptauit et de illis sibi obtinuit prouideri, et nos dudum Martino de beneficio ecclesiastico cum cura^g) uel sine^g) cura ad collacionem prouisionem presentationem seu quamuis aliam disposicionem predicti episcopi et dilectorum filiorum prepositi decani et capituli dicte Patauiensis conmuniter uel diuisim pertinente uacante uel uacaturo graciose concessimus, ac Wenceslao, prefatis, de canonicatu et prebenda predicte Ratisponensis ac capella eciam sine cura sanctorum Bartholomei et Marie Magdalene sita in cimiterio parrochialis sancti Martini in Newnburga Claustrali ecclesiarum, quorum omnium decem et octo marcharum argenti fructus redditus et prouentus secundum predictam estimacionem^d) ualorem annuum non excedunt, tunc certis modis uacantibus necnon de uno cum cura uel sine cura eciam cum prerogatiua antelacionis ad dictorum episcopi prepositi decani et capituli ac dilectorum filiorum abbatis et conventus monasterii in Medlico ordinis sancti Benedicti eiusdem Patauiensis diocesis ac de alio sine cura ad eorundem episcopi prepositi decani et capituli collacionem prouisionem presentacionem seu quamuis aliam disposicionem conmuniter uel diuisim pertinentibus beneficiis ecclesiasticis uacantibus uel uacaturis per alias nostras litteras graciose mandauimus prouideri, ac dudum cum eodem Wenceslao, ut duo beneficia ecclesiastica curata seu alias incompatibilia, eciam si dignitates personatus uel officia cum cura uel sine cura forent, si sibi alias canonice conferrentur, recipere et usque ad triennium insimul retinere illaque interim ex causa permutacionis uel alias tociens, quociens sibi uideretur, dimittere et loco dimissi uel dimissorum aliud uel alia simile uel dissimile aut similia uel dissimilia beneficium seu beneficia ecclesiasticum seu ecclesiastica, duo tantum incompatibilia, recipere et retinere libere et licite ualeret, ita tamen, quod alterum ex duobus incompatibilibus huiusmodi pro alio beneficio ecclesiastico cum eorum reliquo compatibili infra dictum triennium permutare teneretur, graciose duximus dispensandum. Volumus autem quod, quamprimum dictus Martinus uigore presentium prefatam ecclesiam in Lasperg fuerit pacifice assecutus, predicta concessionis gracia de huiusmodi beneficio cum cura uel sine cura sibi, ut premittitur, facta et quecunque inde secuta quoad curatum beneficium dumtaxat sint cassata^h) et irrita nulliusque roboris uel momenti.||
Attente quoque prouideas, ne in resignacionibus huiusmodi ex²⁾ parte Nicolai uel Johanis ac Martini uel Wencezlai et Grisogoni uel Stephani predictorum aliqua prauitas interueniat seu eciam corruptela. Nos insuper exnunc irritum decernimus et inane, si secus super hiis a quoquam quauis auctoritate scienter uel ignoranter contigerit attemptari.||
Datum Rome apud Sanctum Petrum XV. Kl. Octobris pontificatus nostri anno2) octauo.

Source Fulltext: OÖUB 11 (Wien 1983) S. 635-641